პირველ რიგში, პიროგს შიგთავსით აფასებენ და არა გარეგნული ფორმითა და იერით, თუმცა, ამჯერად შესანიშნავი გემო მთლიანად ერწყმის ფორმას. ვაშლის პიროგი ქვიშისებრი ცომით ტორტზე უფრო უკეთ გამოიყურება და რამდენჯერმე უფრო სწრაფად მზადდება. მისი გამოცხობა არამხოლოდ ოჯახური ჩაის სმის დროს შეგიძლიათ, არამედ სტუმრებისთვისაც.

ნაზი, კრემისებრი ხაჭოს სოუსი რაღაც შუალედია მასკარპონესა და ჩიზქეიქს შორის, ვაშლით კი შეგიძლიათ ექსპერიმენტი ჩაატაროთ. რჩევების რედაქცია გთავაზობთ პიროგს, რომელიც შეგიძლიათ თხილითა და ქიშმიშით, ან ნებისმიერი ხილით გამოაცხოთ.

ინგრედიენტები

• 450 გ ხაჭო
  
• 200 მლ არაჟანი
  
• 130 გ შაქარი
  
• 5 გ გამაფხვიერებელი
  
• 4 ც ვაშლი
  
• 50 გ ბერძნული კაკალი
  
• 200 გ ხორბლის ფქვილი
  
• 100 გ ნაღების კარაქი
  
• 3 ც კვერცხი
  
• 50 გ მანი
  
• 50 გ ქიშმიში
  
• 3 ს.კ. კონიაკი
  
• ვანილინი გემოვნებით
  
• დარიჩინი გემოვნებით
  

მომზადება

1. გარეცხეთ ქიშმიში და ჩაალბეთ კონიაკში.
   
2. შეურიეთ 30 გ შაქარი 1 კვერცხის გულს, 50 მლ არაჟანსა და დარბილებულ კარაქს. დაუმატეთ ფქვილი გამაფხვიერებელთან ერთად და მოზილეთ ცომი.
   
3. ოდნავ გააბრტყელეთ ცომი, ჩადეთ პერგამენტიან ფორმაში და ჩახვრიტეთ ფსკერი ჩანგლით. შედგით მაცივარში 30 წუთით.
   
   
   
4. გათალეთ ვაშლი, ამოჭერით გულები. ქიშმიში შეურიეთ დაქუცმაცებულ კაკალს, ან ათქვიფეთ ბლენდერში, ცომზე დაალაგეთ ვაშლები, გატენეთ ისინი ქიშმიშის მასით. ნარჩენები გადაანაწილეთ ფსკერზე.
   
5. მოამზადეთ სოუსი. ბლენდერში ათქვიფეთ ხაჭო, 150 მლ არაჟანი, 100 გ შაქარი, მანი, დარჩენილი ცილა და კიდევ 2 მთლიანი ვერცხი. მოასხით ვაშლებს ისე, რომ მასა მათზე ზემოდან არ მოხვდეს.
   
   
   
6. გამოაცხვეთ ღვეზელი 45 წუთის მანძილზე, 180 გრადუსზე. დაჭერით გაგრილებული(ასე იგი არ დაიფშვნება), მორთეთ თხილით.
   
   

შეგიძლიათ, სხვა სახეობის თხილი, ხოლო ვაშლის ნაცვლად - მსხალი გამოიყენოთ. ნუ შეარჩევთ ახალ სეზონურ ხილს: ცომი ვერ მოასწრებს გამოცხობას, ხილი კი მალევე მოიხარშება. შეგიძლიათ, გამოიყენოთ მარწყვი ან ალუბალიც.