გიყვართ გოგრის თესლები? აი, უკვე რამდენი წელია, ისინი ყველაზე მოთხოვნადი და პოპულარული მარცვლებია მსოფლიოში. და აქ საქმე არამხოლოდ ზომასა და გემოშია, არამედ ეს სწორედ ის პროდუქტია, რომელიც სიამოვნების გარდა დაუჯერებელ სარგებელსაც გაძლევთ.



გოგრის თესლების ძვირფასი შემადგენლობა
ეს მარცვლები C, Е, A და K ვიტამინების გულუხვი წყაროა. ამასთან, Е ვიტამინი, რომელიც უძლიერესი ანტიოქსიდანტია, ნებისმიერ ფორმაში წმენდს და აძლიერებს ორგანიზმის დამცავ ფუნქციებს.


გოგრის თესლები გაჯერებულია 32-52% გოგრის ზეთით, რომელიც დიდი რაოდენობით თუთიას შეიცავს, ეს ელემენტი კი აუცილებელია კანის, თმისა და თმების ჯანმრთელობისთვის, ასევე, იმუნიტეტის შესანარჩუნებლად შემოდგომა-გაზაფხულის პერიოდში. თუთიის შემცველობით ეს შესანიშნავი მარცვლები მხოლოდ ხამანწკებს ჩამორჩება.
თუთია, ასევე, ეფექტიურად მოქმედებს ორივე სქესის სასქესო სისტემებზე. არეგულირებს სასქესო ჰორმონების გამოყოფას, ახდენს პროსტატისა და საშვილოსნოს კიბოს პროფილაქტიკას. ფოსფორისა და თუთიის კომბინაცია ზრდის სპერმატოზოიდების აქტივობასა და კვერცხუჯრედის ხარისხს.



ფოსფორის შემადგენლობით გოგრის თესლები ნამდვილი რეკორდსმენია, რადგან 100 გ პროდუქტში დღიური ნორმის 153%-ია. ამავე რაოდენობის გოგრის თესლები შეიცავს მაგნიუმის 148 და მარგანეცის 100%-ს. მათ გარდა ხომ მარცვლები კიდევ კალიუმს, სპილენძს, სელენს, რკინასა და უამრავ სხვა მიკროელემენტს შეიცავს.

გოგრის თესლები გამოიყენება მამაკაცებში პროსტატიტის, ხოლო ორივე სქესის წარმომადგენელთათვის - დაბალი იმუნიტეტის, ოსტეოპოროზის, ჰიპერტონიის, დეპრესიის, დიაბეტის, საჭმლის მონელების პრობლემების, შარდკენჭოვანი დაავადებების, ნევროზისა და სტრესის, დამწვრობების სამკურნალოდ, ასევე, ფეხმძიმობის დროს ტოქსიკოზის სიმპტომების შესამსუბუქებლად.

უკუჩვენებები

გოგრის თესლებს ექიმი გასტროენტეროლოგები არ ურჩევენ ადამიანებს, რომლებსაც კუჭ-ნაწლავის ტრაქტის პრობლემები აქვთ, კუჭის წვენის მომატებული მჟავიანობის თანხლებით, ასევე, ნაწლავის გაუვალობის სხვადასხვა ფორმის შემთხვევაში.

ნუ მოიხმართ მარცვლებს ინდივიდუალური აუტანლობის შემთხვევაში.

მარცვლების ჭარბმა მოხმარებამ, შესაძლოა, კბილის ემალის დაზიანება და სხეულის წონის მატება გამოიწვიოს.

თაფლიანი ბურთულების რეცეპტი პროსტატის სამკურნალოდ


ინგრედიენტები

500 გ გოგრის ახალი მარცვლები

1 ჭიქა ნატურალური თაფლი

1. მოაშორეთ მარცვლებს ნაჭუჭი და ოდნავ გამოაშრეთ.
   
2. გაატარეთ მარცვლები ხორცის საკეპ მანქანაში.
   
3. ერთ თასში შეურიეთ დაკეპილი მარცვლები და თაფლი. კარგად მოურიეთ და შედგით თასი მაცივარში რამდენიმე საათით.
   
4. როცა მასა გასქელდება, გამოძერწეთ მისგან მოზრდილი ბურთულები, რომელთა მთლიანად შეჭმა მოსახერხებელი იქნება.
   
5. ბურთულები მზადაა, გემრიელად მიირთვით!
   

ყოველ დილით მიირთვით 1 ბურთულა, ნელა გაწუწნეთ. ასე არამხოლოდ პროსტატის უმკურნალებთ.