თუ მუცლის ცხიმების შემცირება გინდათ, მაგრამ სავარჯიშოების სრული კომპლექსის შესასრულებლად დრო არ გაქვთ, დაგეხმარებათ გახდომის იაპონური მეთოდი. ეს სწრაფი და ეფექტური სავარჯიშო, რომელიც იაპონელმა წონაში კლების სპეციალისტმა გაგვიზიარა, გარდაქმნის ფუმფულა მუცელს ბრტყელ და მომდგარ მუცლად სულ რამდენიმე კვირაში. მთავარი აქცენტი ამ მეთოდში გაკეთებულია ზურგისა და მუცლის კუნთების დაჭიმვასა და ცხიმოვანი ფენების დაგროვებისთვის ხელის შეშლაზე.

რჩევების რედაქცია გთავაზობთ ინსტრუქციას ამ მარტივი სავარჯიშოს შესრულებისთვის.

ნაბიჯი 1: დაწყება


კარგი იქნება, თუ ნებისმიერი სავარჯიშოს დაწყებამდე გახურდებით და გაიწელებით. გახურების შემდეგ, დადექით სწორად, დოინჯით. შეგიძლიათ გამოიყენოთ იოგას ან ჩვეულებრივი ხალიჩა, რათა თავიდან აიცილოთ ტერფების დაზიანება.

ნაბიჯი 2: მომზადება


გააკეთეთ დოინჯი, რათა შეინარჩუნოთ ბალანსი, ფეხები მხრების სიგანეზე უფრო ფართოდ გაშალეთ. დაიმახსოვრეთ, ორივე ტერფი გარე მხარეს უნდა იყოს მიმართული.

ნაბიჯი 3: დახრა


დაიდეთ ხელები მუხლებაზე და დაიხარეთ. ახლა უნდა იგრძნოთ კუნთების დაჭიმვა. დაიმახსოვრეთ, რომ ყოველი მოძრაობა ნელა და ფრთხილად უნდა შეასრულოთ ისე, რომ კუნთების დაჭიმულობაც იგრძნოთ.

ნაბიჯი 4: შემობრუნება


ეს ნაბიჯი სავარჯიშოს ძირითადი ნაწილია. დაიხარეთ, მარჯვენა მხარი მიაბრუნეთ მარცხნივ, მაქსიმალურად შიგნით. მარცხენა მხარი უკან უნდა გაიწიოს. ბარძაყებში, წელსა და ზურგში უნდა იგრძნოთ კუნთების დაჭიმულობა. შეინარჩუნეთ ეს მდგომარეობა 3 წამით და დაუბრუნდით საწყის მდგომარეობას.

ნაბიჯი 5: ჩასუნთქვა


ამ პოზიციაში ღრმად ჩაისუნთქეთ, სანამ ისევ შეასრულებდეთ სავარჯიშოს.

ნაბიჯი 6: გამეორება


გაიმეორეთ ნაბიჯი 4 საწინააღმდეგო მიმართულებით. ეს სავარჯიშო აუმჯობესებს მოქნილობას, განტვირთავს ზურგს.

შეასრულეთ 2 მისვლა 10 გამეორებით ოპტიმალური შედეგებისთვის და გახსოვდეთ, რომ ვარჯიშის შეთავსება ყოველთვის უმჯობესია ჯანსაღ დიეტასთან უკეთესი შედეგების მისაღებად. გაიმეორეთ სავარჯიშო ყოველდღე.