რჩევები-ს რედაქცია წარმოგიდგენთ სავარჯიშოებს, რომლებიც რეკომენდებულია ცნობილი ოსტოპათის მიერ. რეგულარულად ვარჯიში გაგიქრობთ ზურგისა და კისრის აუტანელ ტკივილებს, გაგიხალისებთ ცხოვრებას, აგიმაღლებთ განწყობას.
სავარჯიშოები ზურგის კუნთებისთვის
სავარჯიშოების შესასრულებლად საუკეთესო დროა დილის 8 საათამდე. ყოველ სავარჯიშოს 1 წუთი სჭირდება. გამოიყენეთ მყარი ზედაპირი, მოხერხებული ტანსაცმელი და დაიწყეთ. მაშ ასე, მზად ხართ?
- ეს სავარჯიშო ადუნებს ზურგსა და მხრის სარტყელს. ფეხები მხრების სიგანეზე, ხელები - მოდუნებულია. მოიქნიეთ ხელები და, ამავდროულად, მობრუნდით წელითაც. ინტენსივობას მოუმატეთ ყოველი სავარჯიშოს შემდეგ.
- სავარჯიშო აუმჯობესებს კოორდინაციას, ბალანსსა და მოხერხებულობას. აღმოსავლური მედიხინა თვლის, რომ ეს სავარჯიშო აქრობს დაავადებების გამომწვევ მიზეზებს და აძლიერებს იმუნიტეტს.
გაიხადეთ ფეხსაცმელი, დადექით ცალ ფეხზე, მეორე ფეხი მოხარეთ ისე, რომ იგი იატაკის პარალელური იყოს. ცერები გაჭიმეთ. მოხრილი ფეხის მხარეს, ხელი გაწიეთ წინ, არ გაშალოთ ბოლომდე. მეორე ხელი დაუშვით ძირს, ხელისგული იატაკს უნდა უყურებდეს. ეს ისე გამოიყურება, თითქოს ორი ბურთი გიჭირავთ ხელში. ამ პოზაში რამდენიმე წამით უნდა გაჩერდეთ. როცა ბალანსსა და თანასწორობას მიაღწევთ, წამოიწიეთ ცერზე დახუჭული თვალებით.
- ეს ერთ-ერთი ფასდაუდებელი სავარჯიშოა კომპლექსში. მოჰყავხართ ტონუსში, ხსნის ხერხემლის დაძაბულობას. მისი შესრულება მარტივია: დაჯექით იატაკზე "აღმოსავლური" სტილით, აუცილებლად მყარ ზედაპირზე. თუ დისკომფორტს განიცდით, გამოიყენეთ რბილი ხალიჩა. ზურგი მაქსიმალურად დაამრგვალეთ, მყისიერად მოისროლეთ კორპუსი იატაკზე ზურგით და იქანავეთ, დაუბრუნდით საწყის მდგომარეობას. შეასრულეთ სავარჯიშო 12-ჯერ.
- ამ სავარჯიშოს შესრულებისას მუშაობს ზურგის ზედა ნაწილი, განსაკუთრებით, ბეჭთაშორისი ნაწილი. მისი შესრულება უმჯობესია მესამე სავარჯიშოს დასრულებისთანავე. დაწექით იატაკზე, დაიჭირეთ ხელებით მხრები. მოამრგვალეთ ზურგი და "დაარტყით" იატაკზე ზურგი, მხრებზე კი ხელების მდებარეობა ცვალეთ. შეასრულეთ 12-ჯერ.
- ყველაზე მარტივი სავარჯიშო ამ კომპლექსში. იგი ადუნებს კუნთებს წინა სავარჯიშოების შემდეგ, აუმჯობესებს სისხლის მიმოქცევას. ზურგზე დაწექით, შეკარით თითები და გაიწელეთ, ცერები გაწელეთ თქვენგან შორს. იყავით ამ პოზაში რამდენიმე წამით. საკმარისია 10 მისვლა. თუ წოლა უხერხულია, შეასრულეთ სავარჯიშო დგომით.
- ეს იოგას გადაბრუნებული ასანაა, რომელიც აუმჯობესებს მეხსიერებას, აზროვნების სიჩქარეს. ასევე, ხელს უშლის ვარიკოზს ფეხებში.
დაწექით ზურგზე, აწიეთ ფეხები ზემოთ, ხელებს დააყრდენით თეძოები ან წელი. ამ მდგომარეობაში გაჩერდით რამდენიმე წამით(რამდენსაც შეძლებთ). დაუბრუნდით საწყის მდგომარეობას და სცადეთ შემდეგი სავარჯიშო - გადაწიეთ ფეხები უკან, იატაკის პარალელურად, ხელები დაალაგეთ იატაკზე(როგორც ფოტოზეა მოცემული).
- ეს სავარჯიშოებიც იოგადანაა. ამყარებს ზურგს, აუმჯობესებს მოქნილობასა და მალების ელასტიურობას. შესასრულებლად დაწექით მუცელზე, ხელები გაშალეთ. წამოწიეთ სხეულის ზედა ნაწილი, მოხარეთ ზურგი, დაეყრდენით იდაყვსა და წინამხარს, იყურეთ წინ. ცერები გაწელეთ, ეცადეთ, ფეხები არ წამოწიოთ. როცა შენი მზერა წინაა მიმართული, ეს "სფინქსია". ახლა კიდევ უფრო უკან გადაიწიეთ, რათა ჭერი დაინახოთ - ეს "კობრაა".
- ეს სავარჯიშო აუცილებლად *!* უნდა შეასრულოთ "კობრის" შემდეგ. აუცილებელია ხერხემლის მოხრილობის კომპენსირება საწინააღმდეგო მიმართულებით. სავარჯიშო აუმჯობესებს საჭმლის მონელებას, ეფექტურია მუხლების ტკივილის დროს. მისი შესრულება მარტივია: დაჯექით ქუსლებზე, ხელები გაწიეთ წინ. გაჩერდით რამდენიმე წამით, გაიმეორეთ 8-10ჯერ და შემდეგ დაჯექით გასწორებული ზურგით.
- ეს სავარჯიშო სასარგებლოა ზურგის კუნთების გაძლიერებისთვის. სხეულის პოზის დარღვევის დროს, რევმატიზმისა და ქრონიკული ტკივილების შემთხვევაში, ამაზე უკეთეს საშუალებას ვერ იპოვით. მისი შესრულება პრობლემას არ წარმოადგენს. მიიღეთ სტატიკური პოზიცია, როგორც ფოტოზეა ნაჩვენები. თავი მოაბრუნეთ ტრიალის საწინააღმდეგო მხარეს. იდაყვით დაეყრდენით ფეხს. ეს ეშმაკობა დაგეხმარებათ სავარჯიშოს ეფექტურობის გაზრდაში.
- ამ სავარჯიშოს ძლიერი გამაჯანსაღებელი ძალა აქვს: იგი აძლიერებს წელს, ამუშავებს ყველა კუნთს. სრულდება დგომით. ფეხები მხრებზე ორჯერ უფრო განივრად, ხელები გაშლილია გვერდზე. ხელების მდგომარეობის შეუცვლელად, დაიხარეთ მარჯვნივ. შეასრულეთ სუნთქვის რამდენიმე ციკლი და ეცადეთ, მარცხენა ფეხის ცერს მიწვდეთ. დაუბრუნდით საწყის მდგომარეობას. გაიმეორეთ მეორე მხარესაც, სულ 5-6ჯერ თითოეულ მხარეს. სავარჯიშოს დასრულებისას შეასრულეთ კომპენსაციისთვის უკან გადახრა.
