მისი თხელი, ნაზი, პირში მდნარი თაფლიანი 8 ფირფიტა, გაჟღენთილი ჰაეროვანი მოხარშული კრემით, ტკბილეულის მოყვარულებს ერთსულოვანს არ დატოვებს. მოადუღეთ ჩაი, დაუძახეთ მეზობლებს და დატკბით ყველაზე გემრიელი მედოკით.
ტორტი "ფუტკარი"
ინგრედიენტები ფირფიტებისთვის
- 2 კვერცხი
- 2 ს.კ. თაფლი
- 250 გ შაქარი
- 500-550 გ ფქვილი
- 50 გ კარაქი
- 1 ჩ.კ. სოდა
- 500 მლ რძე
- 2 კვერცხი
- 2 ს.კ. ფქვილი
- 150-200 გ შაქარი
- 100 გ კარაქი
- 1 შეკვრა ვანილი
- შეურიეთ ქვაბში კვერცხი, შაქარი, კარაქი და თაფლი.
- დადგით ქვაბი დაბალ ცეცხლზე და მოურიეთ შიგთავსს შაქრის სრულად გახსნამდე.
- შაქარი რომ გაიხსნება, დაუმატეთ სოდა. მასა დაიწყებს აქაფებას და ზომაში ორჯერ გაიზრდება. ენერგიულად ურიეთ კიდევ 30 წამით, შემდეგ მოხსენით ცეცხლიდან.
- დაიწყეთ კოვზით წინასწარ გაცრილი ფქვილის ჩამატება. მასა თანდათან გაგრილდება და მისი მოზელა ხელითაც შეგეძლებათ. უნდა გამოვიდეს რბილი, წელვადი ცომი.
- გაყავით ცომი 8 ნაჭრად. დაამრგვალეთ, დაახურეთ საკვები ცელოფანი და შედგით მაცივარში.
- ამავდროულად მოამზადეთ მოხარშული კრემი.
- პატარა ქვაბში შეურიეთ ფქვილი, შაქარი, ვანილი, კვერცხი და კარგად ათქვიფეთ. თანდათან ჩაუმატეთ რძე და ურიეთ მასას ერთგვაროვანი მასის მიღებამდე.
- დადგით ქვაბი ნელ ცეცხლზე. შეუჩერებლად ურიეთ რძის მასას, რათა მოერიდოთ ფქვილის კენჭების წარმოქმნას. როგორც კი კრემი შესქელდება და დუღილს დაიწყებს, გამორთეთ ცეცხლი.
- მდუღარე მასას დაუმატეთ დარბილებული კარაქი და მოურიეთ, სანამ სრულად არ გაიხსნება. დაახურეთ კრემს საკვები ცელოფანი და გააგრილეთ.
- გამოიღეთ მაცივრიდან ბურთულები თანდათან. ფქვილიან პერგამენტის ქაღალდზე გააბრტყელეთ თხელი მედოკის ფენები. გადაიტანეთ ფენები საცხობზე პირდაპირ პერგამენტის ქაღალდით და მასზევე გამოაცხვეთ.
- ფენები 180 გრადუსზე გახურებულ ღუმელში 3-4 წუთით ან ოქროსფერის მიღებამდე უნდა აცხოთ.
- გამოცხობისთანავე, სანამ ფირფიტა რბილია, დაადეთ ზემოდან ფორმა და გამოჭერით სასურველი დიამეტრის ფიგურა. არ გადაყაროთ მოჭრილი ნარჩენები - დააფქვიეთ და შეინახეთ მოსაყრელად.
- წაუსვით გაგრილებულ ფირფიტებს კრემი.ამის შემდეგ უხვად მოაყარეთ დაფქული ნარჩენები.
- შედგით ტორტი მაცივარში რამდენიმე საათით, რათა კარგად გაიჟღინთოს.
