არომატული კაკაო, ნაზი არაჟანი და მოხარშული შედედებული რძე - იდეალური კომბინაცია ტკბილეულის მოყვარულთათვის. რჩევების რედაქციამ მოაშორა ძირითად რეცეპტს ზედმეტი ინგრედიენტები და დატოვა ყველაზე მთავარი - ის, რაც საჭიროა განუმეორებელი გემოსთვის.
ტორტი "შავი პრინცი"
ინგრედიენტები
- 250 გ შაქარი
- 2 კვერცხი
- 200 გ 20%-იანი არაჟანი
- 3 ს.კ. კაკაოს ფხვნილი
- 1 ჩ.კ. სოდა
- 1 ს.კ. ყურძნის ძმარი
- 250 გ ფქვილი
- 1.5 ქილა შედედებული რძე
- 300 გ კარაქი
- 50 გ თხილი
- ათქვიფეთ კვერცხი და შაქარი მიქსერით. ცალკე ჭურჭელში შეურიეთ არაჟანი და კაკაოს ფხვნილი. უნდა გამოვიდეს მასა, რომელიც არატკბილ შოკოლადის კარაქს მოგაგონებთ.
- შეურიეთ ათქვეფილი კვერცხი და არაჟანი, დაუმატეთ ძმარში გახსნილი სოდა, გაცრილი ფქვილი და კარგად მოურიეთ. მიღებული მასისგან გამოაცხვეთ 2 ბისკვიტი.
- მოამზადეთ საცხობი ფორმა: ფსკერზე დააფინეთ პერგამენტის ქაღალდი, შეაზილეთ კარაქი. ფორმაზე დაასხით ცომის ნახევარი, აცხვეთ 20 წუთით 180 გრადუსზე. დარწმუნდით მზაობაში კბილის ჩხირით.
- ასევე მოიქეცით დარჩენილ ცომზე. მოამზადეთ ბისკვიტები და გაჭერით ორ თანაბარ ნაწილად. გააგრილეთ.
- კრემისთვის ათქვიფეთ შედედებული რძე და კარაქი, შემდეგ კარგად წაუსვით ყველა ფენას. თხილი დააფქვიეთ ბლენდერში ან დატეხეთ და კარგად მოაყარეთ ტორტს. სურვილისამებრ, მოათავსეთ თხილი კრემში (ამ შემთხვევაში 150-200 გ თხილი დაგჭირდებათ) ან მზა ტორტი მთლიანი თხილებით მორთეთ.
- მზა ტორტი შედგით მაცივარსი 6-8 საათით, ან მთელი ღამით, რათა ფენები კარგად გაიჟღინთოს კრემით.
