ეს პატარა ალისფერი წარმონაქმნები სიბერის (ალუბლის) ანგიომის სახელითაა ცნობილი. ხშირად, ისინი ჩნდება კისერზე, მკერდსა და ზურგზე, თუმცა, მათი შემჩნევა სხეულის სხვა ნაწილებშიცაა შესაძლებელი.
ალუბლის ანგიომის გაჩენის მიზეზი ჯერ კიდევ უცნობია და, ჩვეულებრივ, ასეთი ხალები ადამიანს 40+ ასაკში უჩნდება.
ხშირ შემთხვევაში, ეს წარმონაქმნები არ მოითხოვს მკურნალობას. თუ ალუბლის ანგიომა დისკომფორტს გიქმნით ესთეტიკური კუთხით, არსებობს რამდენიმე საშუალება ამ პრობლემისგან გათავისუფლებისთვის:
- ელექტროქაუტერიზაცია: პროცედურა გულისხმობს ანგიომის მოწვას ელ.დენის გამოყენებით, რომელსაც ძალიან პატარა ზონდი გამოყოფს.
- კრიოქირურგია: მოიცავს ანგიომას მოყინვას აზოტით მის განადგურებამდე. ითვლება სწრაფ და, შედარებით, მარტივ მეთოდად ახალწარმონაქმნის მოშორებისთვის.
- ლაზერული ქირურგია: ანგიომის მოშორება იმპულსური ლაზერის დახმარებით.
თუ ანგიომის გარე ზედაპირზე რაიმე სახის ცვლილებები შეამჩნიეთ, აუცილებლად მიმართეთ სპეციალისტს. დიდი რაოდენობით ხალების მოულოდნელი გაჩენაც ჯანმრთელობის პრობლემების ნიშანი შეიძლება იყოს. ექიმმა უნდა გამორიცხოს ისეთი სერიოზული დაავადებები, როგორიცაა კანის კიბო და სხვა.
