რჩევების რედაქციამ მოამზადა ძალიან მარტივი რეცეპტი, რომელიც დაგეხმარებათ ორგანიზმის გაახალგაზრდავებაში და შლაკებისა და ტოქსინების გამოდევნაში. რეცეპტის მიზანია ბრინჯის გამოყენება წამლის სახით. მას შეუძლია ორგანიზმის გაწმენდა, კანის პრობლემების მოგვარება, სახის ფერის გაუმჯობესება, სახსრებში ტკივილის შემცირება, საერთო ჯანმრთელობის გაუმჯობესება. გარდა ამისა, ბრინჯით მკურნალობის კურსის გავლის შემდეგ, არამარტო გამოჯანმრთელდებით, არამედ გაახალგაზრდავდებით კიდევაც.

ორგანიზმის გაწმენდა ბრინჯით
მთავარი პირობა, რომელიც უნდა დაიცვათ: ბრინჯი უნდა მიირთვათ უზმოზე, ასეთი საუზმის შემდეგ კი 3 საათის მანძილზე არ შეიძლება ჭამა და სმა.

მაშ ასე, აიღეთ ჩვეულებრივი ბრინჯი და გაზომეთ იმდენი სუფრის კოვზი, რამდენი წლისაც ხართ. გარეცხეთ და ჩაყარეთ ქილაში. შემდეგ დაასხით მდუღარე წყალი, დაახურეთ სახურავი და შედგით მაცივარში. დილით გადაასხით წყალი, აიღეთ 1 ს.კ. ბრინჯი, ხარშეთ 3-4 წუთი მარილის გარეშე და მიირთვით უზმოზე, დილის 8-ის ნახევრამდე. დარჩენილ ბრინჯს ისევ დაასხით მდუღარე წყალი და შედგით მაცივარში. პროცედურა გაიმეორეთ ყოველდღე, სანამ ბრინჯი არ დამთავრდება.

ამ უჩვეულო მეთოდის საიდუმლო მდგომარეობს იმაში, რომ ბრინჯის მარცვლებს კრისტალური სტრუქტურა აქვს. როცა მარცვლებს ვალბობთ, ვაშორებთ მას სახამებელს, ბრინჯის ფაფა ნელდება არა კუჭში, არამედ ნაწლავებში, მარცვლები მოქმედებს, როგორც აბსორბენტი.