ბავშვებს ტემპერატურა ყოველთვის უეცრად ეწევათ, რაც დედიკოებსა და მამიკოებს მუდმივად ანერვიულებს. ამის გამო მშობლებს ავიწყდებათ პირველადი დახმარების წესები და იწყებენ სახლში უაზრო სირბილს რაღაც საშუალებების ძებნაში, ან ყველა ნაცნობს ურეკავენ "ბრძნული" რჩევის საკითხავად.

იმისათვის, რომ ბავშვის მაღალმა ტემპერატურამ არ შეგაშინოთ, დაიცავით რჩევების რედაქციის მიერ მომზადებული 7 ოქროს წესი.

თუ ბავშვს მაღალი ტემპერატურა აქვს..

1. არ იჩქაროთ 38,5 °С-ზე დაბალი ტემპერატურის დაწევა. ეს იმაზე მეტყველებს, რომ ბავშვის ორგანიზმი ებრძვის ინფექციას თავად, მომატებული ტემპერატურა კი აუცილებელია დაცვითი მექანიზმების ეფექტური ფუნქციონირებისთვის.
   
2. არ აყლაპოთ ბავშვს ასპირინი და ანალგინი.
   
3. არ შეახვიოთ ბავშვი ათობით საბანში. ჰაერი ოთახში გრილი უნდა იყოს და კარგად განიავებული, რადგან ბავშვებს ჯერ კიდევ ჩამოუყალიბებელი თერმორეგულაციის სისტემა აქვთ.
   
4. არ შეაზილოთ ბავშვს სპირტი ან ძმარი - ეს ბავშვის სასუნთქი გზებისთვის საწამლავია.
   
5. გახსოვდეთ, რომ წამლები მოქმედებენ მხოლოდ 30-60 წუთის შემდეგ. არ ელოდოთ, რომ ტემპერატურა უეცრად დარეგულირდება. ყოველთვის ყურადღებით წაიკითხეთ პრეპარატის ინსტრუქციები, რომელსაც იყენებთ.
   
6. არ შეიძლება ბავშვის სხეულზე ცივი ნივთების მიდება, იმიტომ, რომ ამან შეიძლება კანის სისხლძარღვების სპაზმი გამოიწვიოს.
   
7. თუ ტემპერატურა მაღალია, ბავშვის კანი ფერმკრთალი, ხოლო კიდურები - ცივი, ესეიგი ეს "ცივი ციებ-ცხელება" და სისხლძარღვების სპაზმია. დაუყოვნებლივ გამოიძახეთ სასწრაფო დახმარება და დაუზილეთ კიდურები ბავშვს, რათა სპაზმი ჩაცხრეს. გამორიცხეთ ფიზიკური გაგრილების ყველა საშუალება.