ახლოვდება ახალი წელი, თქვენ კი საახალწლო სუფრისთვის იდეები არ გაქვთ? ფარ-ხმალს ნუ დაყრით - რჩევების რედაქცია გასწავლით საახალწლო სალათის მომზადებას ორიგინალური გაფორმებით. სტუმრები რეცეპტს აუცილებლად გთხოვენ!



გემრიელი საახალწლო სალათები
საახალწლო სალათი "ნაძვის გირჩები" - შესანიშნავი ჩანაცვლებაა ერთფეროვანი სალათებისთვის. ეს კერძი შეუძლებელია არ მოგეწონოთ - სამი გირჩი და ყველა სხვადასხვა გემოთი... მისი მორთვა კი სხვადასხვანაირად შეგიძლიათ: ეკონომიურად(ფანტელებით, ჩიფსებით, მარილიანი კრეკერებით, გოგრის თესლით) ან მდიდრულად - ნუშით.


ინგრედიენტები

• 100 გ მოხარშული ქათმის ფილე
  
• 3 კვერცხი
  
• 3 ბოლქვი კარტოფილი
  
• 100 გ ლორი ან მოხარშული ძეხვი
  
• 100 გ სოკოს კონსერვი
  
• 50 გ ბარდის კონსერვი
  
• 50 გ სიმინდის კონსერვი
  
• 50 გ მაგარი ყველი
  
• 1 თავი ხახვი
  
• 1 ჩ.კ. შაქარი
  
• 1 ს.კ. ძმარი
  
• 500 გ მაიონეზი
  
• 1 ც კიტრი
  
• ახალი მწვანილი, სიმინდის ფანტელები ან ნუში მოსართავად
  

მომზადება

1. მოხარშეთ კარტოფილი და კვერცხი. ხახვი დაჭერით რკალებად, შეურიეთ შაქარი, ძმარი და დაასხით მდუღარე, გააჩერეთ 15 წუთით.
   
2. ფილე, კვერცხი, კარტოფილი, სოკო, ყველი, კიტრი და ლორი დაჭერით კუბებად.
   
   
   
3. დაალაგეთ სალათები გირჩის ფორმით, საჭირო ინგრედიენტები ფენებად დაალაგეთ დიდ თეფშზე, თითოეულ ფენას წაუსვით მაიონეზი.
   
4. პირველი გირჩი - ქათამი, კარტოფილი, სიმინდი, კვერცხი.
   მეორე - ლორი, კარტოფილი, კიტრი, ბარდა, კვერცხი.
   მესამე - სოკო, კარტოფილი, ხახვი, მაგარი ყველი, კვერცხი.
   
   
   
5. გირჩებს ზემოდანაც წაუსვით მაიონეზი და მაქსიმალურად გაათანაბრეთ ზედაპირი.
   
6. მორთეთ სალათი გირჩის მსგავსად მწვანილითა და ფანტელებით/ჩიფსებით/მარილიანი კრეკერებით.
   
   
   
7. თუ სალათის მორტვა მთლიანი ნუშით გადაწყვიტეთ, არ დაგავიწყდეთ, წინასწარ ჩაალბეთ იგი წყალში 3-4 საათით, შემდეგ კი გამოაშრეთ ღუმელში. გოგრის თესლები შეწვით ტაფაზე, ასე უფრო გემრიელია.
   
8. სალათი მოამზადეთ უშუალოდ სუფრის გაშლის წინ, რათა ჩიფსები, კრეკერები თუ ფანტელები ხრაშუნა იყოს.