» » » მიირთვით გემრიელად და არ მოიმატოთ: 5 დაბალკალორიული სალათი ჭარხლისგან

მიირთვით გემრიელად და არ მოიმატოთ: 5 დაბალკალორიული სალათი ჭარხლისგან

ჭარხალი უნიკალური ბოსტნეულია, რომელსაც სხვა ვერაფრით ჩაანაცვლებთ. თუ ორი კვირის მანძილზე 50 მლ ჭარხლის წვენს ან 100 გ მოხარშულ ჭარხალს მიირთმევთ დღეში, გემოგლობინის დონე საგრძნობლად აიწევს. რაც შეეხება ჯანმრთელად გახდომას: ტკბილი ბოსტნეული აჩქარებს ნივთიერებათა მიმოცვლის პროცესებს, წმენდს ღვიძლს და დადებითად მოქმედებს საჭმლის მონელებაზე. ჭარხალი, ალბათ, ყველაზე გემრიელი და სასარგებლო პროდუქტია დიეტური კერძების მოსამზადებლად.



გასახდომი სალათების რეცეპტები
არსებობს უამრავი მიზეზი იმისა, თუ რატომ უნდა ჩართოთ ჭარხალი თქვენს რაციონში. ბოსტნეული შეიცავს ელემენტების ერთადერთ კომბინაციას, რომელიც არ გვხვდება არც ერთ სხვა საკვებ პროდუქტში. აქ შეგხვდებათ ქოლინი, ვიტამინები А, В1, В5, В6, С, Е, Н და РР, ასევე, კალიუმი, კალციუმი, მაგნიუმი, თუთია, რკინა, იოდი, ფოსფორი, ნატრიუმი, ფოლიუმის მჟავა და აუცილებელი ცელულოზა. ამასთან, სასარგებლო ნივთიერებები არ ნადგურდება თერმული დამუშავების დროს და არ იკარგება ხანგრძლივი შენახვის შემთხვევაში.

მოხარშული ჭარხლით შეგიძლიათ სხვადასხვა კერძის მომზადება: ვინეგრეტი, ჭარხლის სალათი, სხვადასხვა დასაყოლებელი, პაშტეტი, ბოსტნეულის ხიზილალა. თუმცა, ყველაზე მარტილი ვარიანტი, რაღა თქმა უნდა, მრავალფეროვანი სალათებია. ისინი ნამდვილად ძალიან გემრიელია! ამასთან, შეგიძლიათ ღამითაც მიირთვათ, რადგან ჭარხლის კალორიულობა 100 გრამზე სულ 43 კკალ-ია.


რჩევების რედაქცია გასწავლით ყველაზე გემრიელი სალათების მომზადებას ჭარხლისგან.

ჭარხლის სალათი თხილითა და ქლიავის ჩირით


ინგრედიენტები
  • 1 გამომცხვარი ან მოხარშული ჭარხალი
  • 100 გ ბერძნული კაკალი
  • 2 ც შავი ქლიავის ჩირი
  • 2 კბილი ნიორი
  • 2 ს.კ. მაწონი ან მცენარეული ზეთი
  • მარილი გემოვნებით
ქლიავის ჩირი წინასწარ ჩაალბეთ წყალში 30 წუთით. დახეხეთ ჭარხალი, ქლიავი კი დაჭერით. შეურიეთ ყველაფერი დანაყულ თხილს. დაუმატეთ დაჭყლეტილი ნიორი, მოაყარეთ მარილი და შეაზავეთ მაწვნით ან ზეთით.

ფიტნეს-სალათი ჭარხლით


ინგრედიენტები
  • 2 ჭარხალი
  • 1 ვაშლი
  • 1 პატარა სტაფილო
  • 1 საშუალო თავი ხახვი
  • 250 გ ახალი კომბოსტო
  • 3 ს.კ. მცენარეული ზეთი
  • 2 ჩ.კ. ვაშლის ძმარი
  • მარილი გემოვნებით
  • ნებისმიერი მწვანილი
სტაფილო და ჭარხალი გათალეთ, დახეხეთ ვაშლთან ერთად. ხახვი დაჭერით რკალებად, კომბოსტო - გრძელ ჩხირებად. შეურიეთ ბოსტნეული, დაუმატეთ წვრილად დაჭრილი მწვანილი, მარილი, ძმარი და ზეთი.

მსუყე სალათი ბრინჯით


ინგრედიენტები
  • 1 მოხარშული ჭარხალი
  • 1 მოხარშული სტაფილო
  • 150 გ მოხარშული ბრინჯი
  • 1 ს.კ. სიმინდის კონსერვი
  • 8 ზეთის ხილი
  • 1 ს.კ. ზეითუნის ზეთი
  • 1 ჩ.კ. სოიოს სოუსი
  • 1/2 ჩ.კ. ვაშლის ძმარი
  • ახალი მწვანილი
დახეხეთ ჭარხალი და სტაფილო. ბრინჯი და სიმინდი შეურიეთ. ცალ-ცალკე მოათავსეთ ბოსტნეული, მწვანილი, ზეთისხილი და ბრინჯი თეფშზე. მორწყეთ სოიოს სოუსით, ზეთითა და ძმრით. ეს სალათი ერთ-ერთი სრულფასოვანი სადილი ან ვახშამი გამოვა. შეურიეთ ინგრედიენტები მხოლოდ და მხოლოდ მირთმევის დროს.

სალათი "ჯაგრისი გაუმჯობესებული"


ინგრედიენტები
  • 1 ჭარხალი
  • 1 სტაფილო
  • 1/2 ნიახურის ფესვი
  • 1/2 საშუალო თავი კომბოსტო
  • 1 ს.კ. ლიმონის წვენი
  • 2 ს.კ. სეზამის მარცვლები
  • 1/2 ფორთოხალი
  • მარილი გემოვნებით
  • ახალი მწვანილი
თხლად დაჭერით კომბოსტო და ხელებით მსუბუქად დაწურეთ. ჭარხალი, ნიახური და სტაფილო დახეხეთ. ფორთოხალი დაჭერით პატარა კუბებად. შეურიეთ ყველაფერი ერთმანეთსა და დაჭრილ მწვანილს, სეზამს, ლიმონის წვენსა და ზეთს. მოაყარეთ მარილი გემოვნებით.

სადღესასწაულო სალათი "ბატონი"


თუ ზემოთჩამოთვლილი რეცეპტები მოსაწყენად გეჩვენებათ, მოამზადეთ სადღესასწაულო სალათი ჭარხლისგან. ასეთი სალათით სტუმრებსაც გაუმასპინძლდებით.

ინგრედიენტები
  • 1 მოხარშული ჭარხალი
  • 120 გ ბრინზა ან ფეტა (ყველი)
  • 1 მანდარინი
  • 1 ს.კ. ბროწეულის მარცვლები
  • 1/4 იისფერი (ტკბილი) თავი ხახვი
  • 1 ჩ.კ. ფრანგული მდოგვი
  • 2 ს.კ. მცენარეული ზეთი
  • 1 ს.კ. ნებისმიერი თხილი (ფისტი, ბერძნული, ნუში)
  • ახალი მწვანილი
  • მარილი გემოვნებით
დაჭერით კომბოსტო და ყველი კუბებად, ხახვი - რკალებად. თეფშზე ფენებად დაალაგეთ ჭარხალი, ყველი და ხახვი. მორთეთ ბროწეულის მარცვლებით, მანდარინის ლებნებითა და წვრილად დაჭრილი თხილით. მიწოდებამდე მოასხით სალათს მდოგვი საკაზმი, მარილი და მცენარეული ზეთი.


გახსოვდეთ, რომ ჭარხალი დიდი რაოდენობით არაა რეკომენდებული კუჭ-ნაწლავის ტრაქტის დარღვევების, შაქრიანი დიაბეტისა და შარდკენჭოვანი დაავადებების დროს. არ მიირთვათ დიდი რაოდენობით ბოსტნეული ჰიპოტონიის დროს, ვინაიდან ჭარხალი შეიცავს ნივთიერებას, რომელიც ამცირებს სისხლის წნევას
მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს:

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.