ფეხები მუდმივად მოვლილი და დასვენებული რომ გქონდეთ, ყოველკვირეული გაიკეთეთ სარელაქსაციო მასაჟი. წინასწარ ჩაყავით ფეხები თბილ წყალში, რომელსაც 2 წვეთ პიტნის ან ლავანდის ეთერზეთს დაუმატებთ. 5 წუთის შემდეგ გაიმშრალეთ ფეხი. წელს უკან ბალიშები ამოიდეთ და მარჯვენა ტერფი მარცხენა ფეხის მუხლზე დაიდეთ.
- წაისვით ზეთი ან ლოსიონი ხელისგულებზე, მოიქციეთ მარცხენა ფეხი ხელებში. დაიმასაჟეთ ტერფები ხელისგულებით უკანა და წინა მიმართულებით, რომ გაითბოთ ეს ადგილი.
- ორივე ცერა თითის მტკიცე დაჭერით დაიმასაჟეთ ფეხისგული ქუსლიდან ფეხის თითებამდე.
- ორივე ხელით დაიჭირეთ ფეხის უკანა მხარე და ცერა თითებით ნაზად დაიზილეთ ტერფის ზედა ნაწილი ფეხისგულისკენ. გაიმეოროთ სამჯერ.
- მოხარეთ ფეხი. მარცხენა ფეხი ერთი ხელით დაიჭირეთ, მეორე ხელი მომუშტეთ და მუშტი ფეხისგულებზე ნელა გაუსვ-გამოუსვით.
- ქუსლი მარცხენა ხელით დაიჭირეთ, თითები კი მარჯვენათი. სათითაოდ დაამუშავეთ და ამოძრავეთ ფეხის თითები და შემდეგ ოდნავ მოღუნეთ. ყველა თითი სათითაოდ დაიმასაჟეთ.
- ორივე ხელის თითებით, მსუბუქი, წრიული მოძრაობით დაიმასაჟეთ კოჭის მიდამოები და ახლა მარჯვენა ფეხს დაუთმეთ დრო.
