როგორ მოვიშოროთ ეს ყოველდღიური შფოთვა სამსახურის, ჯანმრთელობისა თუ ოჯახის გამო, რომელიც ღამით დაძინების საშუალებას არ გაძლევთ? გამოსავალი არსებობს! კვლევებმა აჩვენა, რომ იოგას კომბინაცია სულიერ, ფსიქოლოგიურ და ფიზიკურ პრაქტიკებთან დადებითად აისახება ძილის ხარისხზე. გარდა ამისა, მეცნიერები ვარაუდობენ, რომ ასეთი სავარჯიშოები არამხოლოდ ძილის ხარისხს გააუმჯობესებს, არამედ დადებითად იმოქმედებს მის ხანგრძლივობაზეც.
ეს სავარჯიშოები დაეხმარება იმ ადამიანებს, რომლებიც სხვადასხვა საძილე პრეპარატზე "სხედან", გაათავისუფლებს დამღუპველი დამოკიდებულებისგან.
იოგას ასანები, რომლებიც ძილის ხარისხს აუმჯობესებს
- აღმდეგი პოზა
დაწექით მუცელზე, დაიდეთ იდაყვები თქვენ ქვეშ. წინამხრები ისე მოათავსეთ, რომ ხალიჩის წინა ნაწილის პარალელური გახდეს. მარჯვენა წინამხარი მარცხენას წინ უნდა მოათავსოთ. ხელები ისე გადააჯვარედინეთ, რომ ორივე სწორად იდოს.
სანამ მხრებს გაწელავდეთ, დარწმუნდით, რომ თქვენი ხელები კისრიდან ოდნავ ქვევითაა განლაგებული. ამოძრავეთ ხელის გულები თეძოებისკენ და ფრთხილად დაეყრდენით მთელი სხეულით ხელის ზედა ნაწილს. დახუჭეთ თვალები, 10 სუნთქვითი ღრმა ციკლი შეასრულეთ. იგივე გაიმეორეთ სხვა მეორე მხარესაც - დადეთ მარცხენა წინამხარი მარჯვენას წინ.
- "პეპლის" პოზა
დაწექით ზურგზე. ხელები გამოწიეთ და გადადეთ იქეთ-აქეთ. ამის შემდეგ მოხარეთ მუხლები, ტერფები იატაკზე დაალაგეთ. გადააჯვარედინეთ ფეხები, მარცხენა მუხლი მარჯვენაზე დადეთ. თეძოები გადაიტანეთ ხალიჩის მარცხენა კუთხისკენ, შეასრულეთ 10 სუნთქვითი ციკლი და გაიმეორეთ მეორე მხარეს.
- "მტრედის" პოზა
დაწექით ზურგზე, ხალიჩის ცენტრში. მოხარეთ ფეხები 90გრადუსით. მარჯვენა ტერფი მარცხენა მუცლზე გადაიდეთ, ხოლო მარცხენა ფეხი ორივე ხელით კარგად დაიჭირეთ. ეცადეთ, მენჯებით მაქსიმალურად დაეყრდნოთ იატაკს, გაწელეთ მარჯვენა მუხლი მკერდის საწინააღმდეგო მიმართულებით. შეასრულეთ 10 სუნთქვითი ციკლი და გაიმეორეთ მეორე ფეხზე.
- სავარჯიშოები მუხლქვეშა ძვლებისთვის
მოხარეთ ფეხები მუხლებში, ტერფები დაალაგეთ იატაკზე. ამჯერად, აიღეთ მარჯვენა ფეხი და გაწელეთ მაღლა, მარცხენა ფეხი კი მჭიდროდ მოათავსეთ იატაკზე. მოეჭიდეთ მუხლს, ტერფს ან წვივებს ორივე ხელით. მარცხენა ფეხის ცერი გაწელეთ და ეცადეთ, მარჯვენა ფეხი მაქსიმალურად გაშალოთ. ეს მეტ გაწელვას გპირდებათ. შეასრულეთ 10 სუნთქვითი ციკლი და გაიმეორეთ მეორე მხარესაც.
- პოზა "ვარსკვლავი"
ეს სავარჯიშო სრულდება ჯდომით. გაასწორეთ ორივე ფეხი მაქსიმალურად, შემდეგ მოხარეთ მუხლები ისე, რომ ტერფები იატაკზე იდოს. შეაერთეთ ტერფები, გაწელეთ ხერხემალი, შეეხეთ ფეხის ბოლოებს ხელებით. წამოწიეთ ხერხემალი ზემოთ. თუ იმ დონეს მიაღწევთ, რომ შუბლი ტერფებს შეახოთ, ჩათვალეთ, ნამდვილი გურუ ხართ. გაჩერდით რამდენიმე წუთით ამ მდგომარეობაში. შეასრულეთ 10 სუნთქვითი ციკლი.
- პოზა "მჯდომიარე ტვისტი"
დაჯექით, გადააჯვარედინეთ ფეხები. მარჯვენა ხელი დაიდეთ მარცხენა მუხლზე. მოაბრუნეთ ტორსი ხელის მხარეს. შეასრულეთ 10 სუნთქვითი ციკლი და გაიმეორეთ მეორე მხარესაც.
