მზესუმზირის ზეთი და შიის კაკლის კარაქი ცხიმსა და ჭუჭყს არბილებს, ხოლო ლავანდის ეთერზეთი ყველა ტიპის კანს წმენდს და აჯანსაღებს. ბალზამის სტრუქტურა საშუალებას გაძლევთ, ნაზად შეიზილოთ კანში. იგი ხელს უწყობს სისხლის მიმოქცევას და კანს მაკიაჟისა და ჭუჭყისგან წმენდს. დასრულების შემდეგ მარლის ან ფლანელის ქსოვილით მოიშორეთ.

ინგრედიენტები:

ლავანდის ეთერზეთი - სურნელოვანი ზეთია, რომელსაც ყველა ტიპის კანისთვის სუსტი დამაბალანსებელი და სამკურნალო ეფექტი აქვს.
ფუტკრის ცვილი - ცვილი იცავს და კვებავს კანს.
ლიმონის ეთერზეთი - კარგი ტონიკია. ანტისეპტიკური თვისების წყალობით არჩენს ჩირქოვან გამონაყარს სახეზე.
მზესუმზირის ზეთი - ადვილად წასასმელი და მსუბუქი ზეთია, რომელშიც უხვადაა ვიტამინები და უცვლელი ცხიმოვანი მჟავები.
ზეითუნის ზეთი - მსუყე და ოდნავ წებოვანია. არბილებს და აჯანსაღებს კანს.
შიის კაკლის კარაქი - ბუნებრივი დამამშვიდებელია, რომელიც კანს ტენიანობას უნარჩუნებს. ეს კარაქი ორგანიზმის ტემპერატურაზე დნება და კვებავს კანს.

140 გრამის დასამზადებლად საჭიროა

ინგრედიენტები:

• 90 მლ მზესუმზირის ზეთი
  
• 2 ჩ/კ ზეითუნის ზეთი
  
• 1 ს/კ შიის კაკლის კარაქი
  
• 1 ს/კ ფუტკრის ცვილი
  
• 12 წვეთი ლავანდის ეთერზეთი
  
• 8 წვეთი ლიმონის ეთერზეთი
  

მომზადების წესი:
ორთქლზე შეათბეთ ყველა ინგრედიენტი ეთერზეთების გარდა. ცვილი რომ დადნება, გადმოდგით ქვაბი ცეცხლიდან.
მიღებული მასა გაგრილებას რომ დაიწყებს, დაუმატეთ ეთერზეთები.
ჩაასხით სტერილურ ქილაში და 1-2 საათით დატოვეთ. შემდეგ შეგიძლიათ მაშინვე გამოიყენოთ ან თავზე დაახუროთ და გრილ, ბნელ ადგილას შეინახოთ 3 თვით.

გამოყენების წესი:
ძალიან ცოტა ბალზამი მოკლე, წრიული მოძრაობებით შეიზილეთ კანში. ყურადღება მიაქციეთ შესქელებულ ზონებს (მაგ, ცხვირის მიდამოებში). 2 წუთით იზილეთ კანი და შემდეგ გაისუფთავეთ მარლის ან ფლანელის სუფთა ქსოვილითა და თვილი წყლით.