ბისკვიტი საკმაოდ პრეტენზიული ნამცხვარია, რომელიც ითხოვს მთელი გულისა და სულის ჩაქსოვებას. დღეს ჩვენი რედაქცია დაგეხმარებათ ფუმფულა, მაღალი და გემრიელი ბისკვიტის გამოცხობაში.

როგორ გამოვაცხოთ ბისკვიტი
ჩვენ მოვამზადეთ ორი ბისკვიტის რეცეპტი მულტიფუნქციური ქვაბისა და ღუმელისთვის. იმისათვის, რომ ნამცხვარი ნამდვილად გემრიელი გამოვიდეს, ზუსტად მიჰყევით ჩვენს რეცეპტებს.



შოკოლადის ბისკვიტი მულტიფუნქციურ ქვაბში
ინგრედიენტები

• 250 გ ფქვილი
  
• 400 გ შაქარი
  
• 2 კვერცხი
  
• 1.5 ჩ.კ. სოდა
  
• 1.5 ჩ.კ. გამაფხვიერებელი
  
• 6 ს.კ. კაკაო
  
• 200 გ რძე
  
• 1 ჩ.კ. ვანილის შაქარი
  
• 60 გ მცენარეული ზეთი
  
• 200 გ მდუღარე წყალი
  

1. შეურიეთ ყველა ინგრედიენტი, გარდა წყლისა. მორევის ბოლოს დაუმატეთ 1 ჭიქა წყალი.
   
2. წაუსვით ქვაბის კედლებს კარაქი და ჩაასხით თხევადი ცომი.
   
3. გამოაცხვეთ ბისკვიტი 60-წუთიან რეჟიმზე.
   

ბისკვიტი ცხელი რძით
ინგრედიენტები

• 120 გ რძე
  
• 60 გ კარაქი
  
• 165 გ ფქვილი
  
• 6 გ გამაფხვიერებელი
  
• 165 გ შაქარი
  
• 3 კვერცხი
  
• 10 გ ვანილის შაქარი
  

მომზადება

1. წინასწარ გააცხელეთ ღუმელი 175 გრადუსზე და დააფინეთ საცხობ ფორმაზე პერგამენტის ქაღალდი.
   
2. ორჯერ გაცერით ფქვილი, გამაფხვიერებელი და მარილი, შეურიეთ ერთმანეთს.
   
3. შეურიეთ რძე და კარაქი. მოათავსეთ მასა ქვაბში და ნელა გაათბეთ მანამ, სანამ კარაქი არ დადნება.
   
4. ნელ-ნელა დაუმატეთ შაქარი, ათქვიფეთ კვერცხი სქელი ფენის წარმოქმნამდე.
   
5. 3 ეტაპად დაუმატეთ ფქვილი კვერცხის მასას. ფრთხილად მოურიეთ ნიჩბით.
   
6. გაათბეთ რძე და კარაქი კიდევ ერთხელ, აადუღეთ. ორ ეტაპად შეურიეთ რძე ცომს.
   
7. მოათავსეთ მასა ფორმაზე და აცხვეთ ღუმელში 20-25 წუთით 175 გრადუსზე.