ეს არის უგემრიელესი მარწყვის ტორტი, შოკოლადის და ვანილის ბისკვიტით. გაუმასპინძლდით თქვენს სტუმრებს არაჩვეულებრივი დესერტით და მერწმუნეთ ისინი აღფრთოვანებას ნამდვილად ვერ დამალავენ.

12 ულუფისთვის დაგჭირდებათ:

ბისკვიტისთვის:

• 6 კვერცხი
  
• 180 გ შაქარი
  
• 1 პაკეტი ვანილიანი შაქარი
  
• 80 გ ფქვილი
  
• 60 გ სახამებელი
  
• 1 ჩ/კ გამაფხვიერებელი
  
• 60 გ კაკაოს ფხვნილი
  
  გარდა ამისა:
  
• 600 გ მარწყვი
  
• 200 გ ნაღები
  
• 3 პაკეტი ნაღების შემადედებელი
  
• 500 გ უცხიმო ხაჭო
  
• 70 გ შაქარი
  
• 6 შოკოლადის ვაფლი
  

მომზადების წესი:
ღუმელი გაახურეთ 175o -ზე. კვერცხის გულები და 90 გ შაქარი გალესეთ, დაუმატეთ ვანილიანი შაქარი და კარგად ათქვიფეთ. ცილა და დარჩენილი შაქარი ათქვიფეთ და შეურიეთ გულებს. სწრაფად შეურიეთ ფქვილი, სახამებელი, გამაფხვიერებელი, კაკაო. ცომი გადაიტანეთ ცხიმწასმულ ყალიბში და 30-35 წუთით შედგით ღუმელში. გამოიღეთ და 2 საათი გააჩერეთ.
ბისკვიტი გაჭერით სამ ფენად. ნახევარი მარწყვი დაჭერით. ნაღები და გამამყარებელი კარგად ათქვიფეთ. ხაჭო და შაქარი გალესეთ და დარჩენილი გამამყარებელი შეურიეთ. 1/3 კრემს შეაზილეთ დაფხვნილი ვაფლი, დანარჩენ კრემს - მარწყვი.
ქვედა და შუა ფირფიტებს წაუსვით მარწყვიანი კრემი, ზედას - ვაფლიანი. მოაწყვეთ მარწყვები და 1 საათით შედგით მაცივარში.

გემრიელად მიირთვით!