რჩევების რედაქცია გთავაზობთ უკრაინელი ექიმის, ევგენი კომარენკოს რეკომენდაციებს გრიპთან დაკავშირებით.
გრიპის პროფილაქტიკა
- თუ შესაძლებლობა გაქვთ, აიცერით გრიპის საწინააღმდეგოდ მთელი ოჯახით.
- ვირუსების წინააღმდეგ პროფილაქტიკური საშუალება არ არსებობს. არავითარი ხახვი, ნიორი, ნაყენი თუ ტაბლეტები არ დაგიცავთ რესპირატორული ვირუსისგან, ზოგადად, და არც გრიპის ვირუსისგან, კონკრეტულად.
- ვირუსის წყარო - ადმაიანია. რაც უფრო ნაკლები ადამიანია ირგვლივ, მით უფრო ნაკლებია დაავადების შანსი. კარანტინი ეპიდემიასთან ბრძოლის საუკეთესო საშუალებაა.
- ნიღაბი უნდა ატაროს დაავადებულმა, რათა არ გადასდოს ჯანმრთელებს. ნერწყვის წვეთები დაავადებულისა დარჩება ნიღაბზე, ამიტომ ვირუსი ვერ გავრცელდება,
- ხშირად დაიბანეთ ხელები, გამოიყენეთ დეზინფექციის საშუალებები, სველი ხელსაწმენდები(თუ ხელის დაბანის საშუალება არაა).
- ჰაერზე სეირნობას ეპიდემიის დროს არავინ კრძალავს: სეირნობის დროს დაავადება შეუძლებელია. მოერიდეთ მხოლოდ ხალხის დაჯგუფებებს.
- შეინარჩუნეთ სახლში ოპტიმალური ტემპერატურა: 20 °С-მდე ტემპერატურა, ტენიანობა - 50–70 %. იატაკის სველი დალაგება, მტვრის გადაწმენდა სასურველია უფრო ხშირად: სიცივის დროს გამათბობელი სისტემები აშრობს ჰაერს, რაც ხელს უწყობს ვირუსის გამრავლებას.
გრიპის მკურნალობა
- აუცილებლად თბილად ჩაიცვით, ოღონდ ოთახში შეინარჩუნეთ სიგრილე და ტენიანობა.
- არ აიძულოთ თავს ჭამა! თუ საჭმელი გინდათ, აირჩიეთ რამე მსუბუქი, წვნიანი, ნახშირწყლებით გაჯერებული.
- მნიშვნელოვანია ბევრი სითხის მიღებაც! მიირთვით ჩაი, კომპოტები, ნახარშები და მინერალური წყალი.
- ცხვირი უნდა დაიტენიანოთ მარილის ხსნარით და რეგულარულად გამოიბანოთ.
- თუ მაღალი ტემპერატურა გაქვთ, მიიღეთ მხოლოდ პარაცეტამოლი ან იბუპროფენი. კატეგორიულად დაუშვებელია ასპირინი.
- ვირუსული ინფექციები არ იკურნება ანტიბიოტიკებით. ეს საშუალება ზრდის გართულებების რისკს.
- არავითარი ამოსახველებელი საშუალება ექიმის დანიშნულების გარეშე!
