» » » 5 სავარჯიშო ზურგისთვის, მასაჟის ეფექტით: თითქოს ახლახან მასაჟისტთან იყავით ვიზიტზე

5 სავარჯიშო ზურგისთვის, მასაჟის ეფექტით: თითქოს ახლახან მასაჟისტთან იყავით ვიზიტზე

როგორც მკვლევარები ამტკიცებენ, იმ ადამიანთა ორგანიზმი, რომლებიც ცხოვრების უმოძრაო წესს ეწევიან, 5-10 წლით ადრე ბერდება. უმოძრაო სამსახური იწვევს პოზის დარღვევას, ჭარბი წონის მომატებას, მეხდველობის გაუარესებასა და უამრავ სხვა დაავადებას. ნაადრევი დაბერება სუსტი აქტივობისა და უსაქმურობის შედეგია.
საბედნიეროდ, შესაძლებელია დროულად გამოფხიზლება და სიტუაციის სადავეების ხელში აღება. ახლავე მოგიყვებით, როგორ.

სავარჯიშოების კომპლექსი ზურგის კუნთებისთვის
როგორც ძლიერი ცხენი, დიდხანს ჩაკეტილი თავლაში, იქცევა სუსტ ქმნილებად, ისე ხერხემალიც, უმოძრაოდ დატოვებული, სწრაფად დუნდება და "ხედ" იქცევა.


თქვენი ზურგის ჯანმრთელობისა და სიძლიერის შესანარჩუნებელი ერთადერთი საშუალებაა რეგულარული მოდუნება და ფიზიკური დატვირთვები. მათ, ვისაც არ აქვს დრო მასაჟისა თუ ხანგრძლივი რელაქსაციისთვის, დაეხმარებათ სავარჯიშოები ზურგისთვის, რომლებიც სრულდება სკამიდან ადგომის გარეშე.

  1. კატის ზურგი
    ეფექტი: ხსნის წელის ტკივილებს, აღადგენს ხერხემლის მალების მდებარეობას.


    შესრულება: დაჯექით სწორად, ხელები დაიდეთ მუხლებზე. ჩასუნთქვისას წამოწიეთ მკერდის არე, გაასწორეთ ზურგი და შეაერთეთ ბეჭები. ამოსუნთქვისას მოამრგვალეთ ზურგი და მიიზიდეთ თხემი მუხლებისკენ, მხრები წინ გამოწიეთ. გაიმეორეთ რვაჯერ.

  2. პეპლის ფრთები
    ეფექტი: აღადგენს ხერხემლის სწორ მდგომარეობას.


    შესრულება: დაჯექით სკამის კიდეზე. გაასწორეთ ზურგი, ტერფები კი მჭიდროდ დაალაგეთ იატაკზე. შეაერთეთ ხელები თავსუკან, გახსენით იდაყვები იქეთ-ქეთ მაქსიმალურად. ჩასუნთქვისას გახსენით ხელები და მკერდით წინ გაიწიეთ. ამოსუნთქვისას დაუბრუნდით საწყის მდგომარეობას და მოიხარეთ. უნდა იგრძნოთ კუნთების არსებობა, ოღონდ არა ტკივილი! გაიმეორეთ ხუთჯერ.

  3. თოკი
    ეფექტი: ამცირებს ტკივილს წელის არეში, აუმჯობესებს კუჭის მოქმედებას.


    შესრულება:დაჯექით სკამზე ისე, რომ ტერფები კარგად დადოთ იატაკზე. გაასწორეთ ზურგი, მოაბრუნეთ მხრები ერთ მხარეს, წელი კი მაქსიმალურად უმოძრავოდ დატოვეთ. გაჩერდით 30 წამით, შეასრულეთ 5 სუნთქვითი ციკლი. გაიმეორეთ სამჯერ თითოეულ მხარეს.

  4. ბალერინა
    ეფექტი: დიდხნიანი ჯდომის შემდეგ აახლებს სისხლის მიმოქცევას, წელავს გვერდით და მკერდის კუნთებს.


    შესრულება: დაჯექით სკამზე, გაასწორეთ ზურგი, კორპუსი არ ამოძრავოთ. ერთი ხელით მოეჭიდეთ სკამის კიდეს, მეორე წამოწიეთ და დაიხარეთ საწინააღმდეგო მხარეს, იგრძენით, როგორ იწელება კუნთები. გაიმეორეთ ათჯერ ორივე მხარეს.

  5. ფრინველი
    ეფექტი: ხსნის ფეხების დაღლილობას, წელავს ზურგისა და თეძოების კუნთები.


    შესრულება: მოეწყვეთ სკამზე სწორი, მაღალი ზურგით. მარჯვენა ფეხის ტერფი დაიდეთ მარცხენა მუხლზე. გადაიწიეთ წინ მთელი კორპუსით, ეცადეთ, მუცლით თეძოს მისწვდეთ. უნდა იგრძნოთ, როგორ "იხსნება" მკერდის არე. ამ მდგომარეობაში გაჩერდით 30 წამით და გაიმეორეთ რვაჯერ.

მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს:

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.