ათეროსკლეროზთან ბრძოლა მაშინ კი არ უნდა დავიწყოთ, როცა იგი უკვე გვაქვს, არამედ ბევრად ადრე - ნეირო - სისხლძარღვოვანი დისტონიის გამოვლინების თანადროულად. ათეროსკლეროზი ვითარდება ნელა, ზოგჯერ ათეული წლების განმავლობაში, აზიანებს რა სისხლძარღვოვან სისტემას და აძნელებს სისხლით საკვები ნივთიერებების მოხვედრას ორგანოებსა და ქსოვილებში.

ხალხური რეცეპტები:

• ნეგო. 1 ს/კ ნეგოს ყვავილედს დავასხათ 1 ჭიქა მდუღარე, დავაყენოთ 1 სთ. გავწუროთ. მივიღოთ მესამედი ჭიქა 3-ჯერ დღეში.
  
  
• დილით, საუზმემდე 1 სთ-ით ადრე და საღამოს, ვახშმიდან ნახევარი საათის შემდეგ, მივიღოთ თითო ვაშლი.
  
  
• ავურიოთ ერთმანეთში 1 ჩ/კ თაფლი, ნახევარი ლიმონის წვენი, სამი მეოთხედი ჭიქა ადუღებული წყალი და ვსვამთ ძილის წინ.
  
  
• 1 ს/კ გამხმარ, დაქუცმაცებულ ქრისტესისხლას ვასხამთ 1 ჭიქა მდუღარეს, ვაყოვნებთ 1 სთ და ვწურავთ. ვსვამთ 50-50 მლ 3-ჯერ დღეში. მკურნალობის ყოველი კვირის შემდეგ ვაკეთებთ ორკვირიან შესვენებას, შემდეგ მკურნალობას ვაგრძელებთ ხელახლა. მკურნალობის კურსი 30 დღეა.
  
  პირშუშხას (ხოხნოტას) ფესვების (ძირების) ნახარში:
  
• 250 გრ პირშუშხა გავრეცხოთ, გავხეხოთ მსხივლ სახეხზე, დავასხათ 3 ლიტრი ადუღებული წყალი და ვადუღოთ 20 წთ, გავწუროთ, მივიღოთ ნახევარ-ნახევარი ჭიქა 4-ჯერ დღეში, ჭამამდე 30 წთ-ით ადრე.
  
  
• თავის ტვინის სისხლძარღვთა სკლეროზს კურნავს ჩვეულებრივი ჭნავი (ცირცელი). 200 გრ დაქუცმაცებულ ჭნავის ქერქს ვადუღებთ 2 სთ 0,5 ლ წყალში. მივიღოთ 20-30 წვეთი 3-ჯერ დღეში, ჭამამადე 30 წთ ადრე.
  
  
• ჯანმრთელობის ყოველდღიური სასმელი - ასკილი. 1 ს/კ ასკილს დავასხათ 1 ჭიქა მდუღარე, დავაყენოთ, როგორც ჩაი და ვსვათ 150 - 150 მლ 3-ჯერ დღეში.