წყლულოვანი დაავადების მკურნალობის საკმაოდ ბევრი რეცეპტი არსებობს, რომლის შემადგენლობაშიც თაფლი შედის. ყურადსაღებია ის, რომ თაფლი საკმაოდ ძლიერი ალერგენია და ამიტომ გარკვეული წინააღმდეგჩვენებაც გააჩნია. თაფლით მკურნალობის დაწყების წინ აუცილებელია ექიმის კონსულტაცია.

რეცეპტი N1

ინგრედიენტები:
3-4 წლიანი ალოეს ფოთლები, იმ რაოდენობით, რომ საჭიროა 1,5 ჭ წვენის მისაღებად. 1 ჭ ზეითუნის ზეთი და ამდენივე თაფლი.

მომზადების წესი:
ალოეს წვენის ზეთის და თაფლის ნარევი გადავიტანოთ შუშის ჭურჭელში და ჩავდგათ წყლიან ქვაბში. ქვაბი დავდგათ ნელ ცეცხლზე 4 სთ, თან თვალყური ვადევნოთ, რომ წყალი დუღდეს. დავახუროთ ბოთლს თავსახური და დავდგათ ბნელ გრილ ადგილზე. თუ ნარევმა ქაფი გაიკეთა - ის უვარგისია (დიდი ხნისაა).
მივიღოთ 1 ს/კ 20 წთ-ით ადრე საუზმემდე.

რეცეპტი N2

ინგრედიენტები:
1,5 ჭ ალოეს ფოთოლი, 3 ჭ მაისის თაფლი და 3 ჭ კაგორი.

მომზადების წესი:
ფოთლები დავაქუცმაცოთ, შევურიოთ თაფლს, გადავიღოთ შუშის ჭურჭელში და დავდგათ ბნელ ცივ ადგილას ერთი კვირით.
მივიღოთ 1 ჩ/კ 1 სთ-ით ადრე ჭამამდე (ერთი კვირის მანძილზე), შემდეგ დღეებში დოზა გავზარდოთ 1 ს/კ- მდე. მკურნალობის კურსი - 1 თვე.

რეცეპტი N3

ინგრედიენტები:
ცაცხვის თაფლი, ჭარხლის წვენი, სტაფილოს წვენი, სპირტი - 0,5 ჭ.

მომზადების წესი:
ყველაფერი ავურიოთ ერთმანეთში და გავწუროთ. გადავასხათ მუქი შუშის ჭურჭელში და დავდგათ გრილ ადგილას 5 დღე.
მივიღოთ 3 ს/კ 30წთ-ით ადრე ყოველი ჭამის წინ. მკურნალობის კურსი - 5 დღე.

რეცეპტი N4

ინგრედიენტები:
თაფლი, ბატის ქონი, კარაქი, კაკაო - 0,5 ჭ, ალოეს წვენი - 1 ს/კ.

მომზადების წესი:
ყველაფერი შურიოთ ერთმანეთს, დავდგათ ნელ ცეცხლზე 5 წთ ( არ ადუღდეს).
მივიღოთ 1 ს/კ ნახევარ ჭიქა ცხელ რძეში გახსნილი 30 წთ-ით ადრე საუზმემდე და ვახშმამდე.