ჩვენ ყველა ვეძებთ სიმშვიდეს და ვესწრაფით ჰარმონიას სამყაროსთან ან, თუნდაც, საკუთარ თავთან. თუმცა, ათასი ფაქტორი არსებობს, რომლებიც ამის განხორციელებაში გვიშლის ხელს: სტრესი, ტკივილი, ცხოვრებისეული პრობლემები, ცუდი აზრები და მრავალი სხვა. მხოლოდ მათი მოშორებით ან დროებით "დაყრუებით" შეიძლება ჰარმონიის მიღწევა. ამისთვის უამრავი საშუალება არსებობს, თუმცა, ერთ-ერთი საუკეთესო იოგას პრაქტიკაა.

დღეს რჩევების რედაქცია გაგაცნობთ ასანას, რომელიც ერთი თვალის დახამხამებაში მოგიხსნით სტრესს, შფოთვასა და ზურგის ტკივილებს.

იოგა ზურგისთვის
მალასანა, იგივე გირლანდის პოზა - ეს იოგას ერთ-ერთი იმ ასანათაგანია, რომლებიც სხეულზე კომპლექსურ ეფექტს ტოვებს. იგი გვეხმარება სტრესის მოშორებაში, ძალების დაგროვებასა და გამოფხიზლებაში. თუ ასანას რეგულარულად შეასრულებთ, მოიშორებთ ზურგის ტკივილებსაც, გაასწორებთ ხერხემალს, წამოწევთ მუცლის ღრუს კუნთებს და გახდებით.


ეს პოზა, როგორც სხვა ასანები, განიჭებთ სიმშვიდის, თავდაჯერებულობისა და მოდუნების შეგრძნებას, ამიტომ რეკომენდებულია მისი შესრულება სტრესულ სიტუაციებში. რეგულარული შესრულებით, ადამიანი გადაეჩვევა მცირე პრობლემებზე ნერვიულობას, იგი უფრო მშვიდი და გაწონასწორებული ხდება.


ზემოთ თქმულის გარდა, ეს პოზა გაშორებთ ართრიტულ ტკივილებს ზურგისა და ტერფების არეში, გააძლიერებს ხერხემალს და მოგანიჭებთ სიმსუბუქეს. ეს ყველაფერი ერთი სავარჯიშოთი მიიღწევა.


დადექით სწორად, ფეხები თეძოების სიგანეზე დადგით. ჩაისუნთქეთ ღრმად, დაიხარეთ წინ, ტერფები და მუხლები მიაბრუნეთ გარე მხარეს და დაიწყეთ ჩაჯდომა, მოხარეთ მუხლები. თეძოები მაქსიმალურად დაუშვით იატაკზე, ქუსლები კი არ მოაშოროთ საყრდენს.


ამასთან, მუხლები მაქსიმალურად ფართოდ გაშალეთ. იდეალში, ისინი ფეხის თითების სისწორ უნდა არმოჩნდეს. ხელები გაწიეთ წინ, შემდეგ იდაყვები მიაჭირეთ მუხლის შიდა მხარეებს და ხელის გულები შეაერთეთ. კუდუსუნი ქვემოთ უნდა იყოს მიმართული, ზურგი - სწორი. ისუნთქეთ სწორად და ღრმად.
იგრძენით თქვენი სხეული მთლიანად, დაიწყეთ იდაყვების მიჭერა მუხლებზე, მუხლებით კი ამას შეეწინააღმდეგეთ. გამოწიეთ მკერდის არე, მოაშორეთ ჭიპს. გაჩერდით ასანაში 5-10 სუნთქვითი ციკლის მანძილზე. ამის შემდეგ გახსენით ხელები, წამოწიეთ კორპუსი და დაისვენეთ.