თუ ცხოვრების მჯდომარე წესს ეწევით, დიდხანს გიწევთ კომპიუტერთან ჯდომა ერთსა და იმავე პოზაში, გაწუხებთ წელის ტკივილები, ეს სავარჯიშოები გაგათავისუფლებთ ზურგთან დაკავშირებული ყველა პრობლემისგან. შეუდექით ჯანმრთელობის გაუმჯობესებას დაუყოვნებლივ.
- დაწექით ზურგზე, ბეჭებქვეშ დაიდეთ პატარა ბალიში ან დახვეული პირსახოცი. ტერფები შეაერთეთ, მუხლები გაწიეთ გვერდებზე. გაჩერდით ამ პოზაში რამდენიმე წუთით.
- დაჯექით ქუსლებზე, ბალიში მოათავსეთ მუხლებვეშ და ჩაეხუტეთ ხელებით, 10-20 სუნთქვითი ციკლის განმავლობაში მოადუნეთ თავი ერთ მხარეს. შემდეგ გაიმეორეთ მეორე მხარეს.
- მოაშორეთ ბალიში, ხელები გაწიეთ წინ და ოდნავ განზე, მხრებზე უფრო ფართოდ. იგრძენით, როგორ იწელება გვერდები და მხრები. ღრმად ჩაისუნთქეთ, ფრთხილად გადაცოცდით მეორე მხარეს და ისევ გაიწელეთ.
- დადექით მუხლებზე, ამოზნიქეთ ზურგი, მოადუნეთ კისერი, ხელებით და მუხლებით მჭიდროდ დაეყრდენით იატაკს, თავი დახარეთ დაბლა.
- ჩასუნთქვისას ჩაზნიქეთ ზურგი, კუდუსუნით აიწიეთ მაღლა, მზერა მიმართეთ ზემოთ. ამოსუნთქვისას დაუბრუნდით წინა პოზიციას. ჩაანაცვლეთ ეს ორი პოზა 10 სუნთქვითი ციკლის მანძილზე.
- იდექით მუხლებზე, ხელი გააცურეთ თქვენს ქვემოთ და დაეყრდენით ერთ მხარსა და ხელს, რომელიც მეორე ხელის იდაყვთან უნდა იდოს. კისერი მოადუნეთ. იგრძენით, როგორ იწელება მხარი.
- ჯდომისას ან მუხლებზე დგომისას წამოწიეთ ხელები და შეკარით ზემოთ. ხერხემალი ნეიტრალურ მდგომარეობაშია, არ დაიხაროთ წინ-უკან ან გვერდით.
- წინა პოზიციაში გაჩერდით, ხელები წინ გადმოიტანეთ, სახით იყურეთ დაბლა, ზურგი მოამრგვალეთ. უნდა იგრძნოთ ბეჭების გაწელვა.
- ხელები გადაიტანეთ ზურგსუკან. ფრთხილად გაასწორეთ ზურგი და სწორი ხელები უფრო უკან და ზევით წაიღეთ.
- მარცხენა ხელით მოეჭიდეთ წელს უკნიდან. მარჯვენაში კი მარცხენა ხელის გული მიაჭირეთ გვერდს. მიიზიდეთ ყური მარჯვენა მხარისკენ. ეს სავარჯიშო დაგეხმარებათ კისრის გაწელვაში. გაიმეორეთ მეორე მხარესაც.
- დაწექით იატაკზე, გაასწორეთ ფეხები, დაიდეთ ბალიში წელქვეშ. მხრები და ზურგი იატაკზე უნდა იდოს. უნდა იგრძნოთ, როგორ იწელება თეძოების წინა ნაწილი. იწექით ასე 1 წუთის მანძილზე.
- დაბოლოს - მოათავსეთ ბალიში მუხლებქვეშ და მთლიანად მოადუნეთ სხეული 5 წუთის მანძილზე.
