კომბოსტო შეიძლება მოვშუშოთ ან მოვამზადოთ ორთქლზე (თერმული დამუშავება უნდა იყოს მინიმალური), უმჯობესია გამოიყენოთ უმი, მარინადის ან მწნილის სახით.
ხალხური მედიცინა გვირჩევს ჩინური კომბოსტოს კუჭის წყლულის პროფილაქტიკისა და მკურნალობის მიზნით გამოყენებას. ის ითვლება დღეგრძელობის წყაროდ, მასში შემავალი ლიზინის გამო, რომელიც წმენდს ორგანიზმს და მაღლა სწევს იმუნიტეტს. ბევრი თვლის, რომ ჩინეთსა და იაპონიაში სიცოცხლის მაღალი ხანგრძლივობა ჩინური კომბოსტოს მოხმარებასთანაა დაკავშირებული.
ჩინურ კომბოსტოს იყენებენ კიმჩხში - ნაციონალური კორეული კერძი წვრილად დაჭრილი ბოსტნეულის ასორტი ნივრით, პილპილით და იმბირით. დუღილის პროცესში მის ფოთლებში გროვდება ბუნებრივი ანტიბიოტიკი, რომელიც წმენდს ორგანიზმს პათოგენური ბაქტერიებისგან.
ჩინური კომბოსტოსგან მომზადებული კერძის ცხარე გემო და დამახასიათებელი სუნი განპირობებულია მასში არსებული მდოგვის ზეთით და გოგირდით. ამიტომ კერძის მომზადების პროცესში სასურველია ჭურჭლის თავსახური რამოდენიმეჯერ ავხადოთ.
კოლრაბი
კოლრაბი გაყიდვაში შედარებით იშვიათად გვხვდება. აღნიშნული ბოსტნეული მთელი რიგი სასარგებლო თვისებებით ხასიათდება და ხელს უწყობს ორგანიზმის გაჯანსაღებას.
კოლრაბი კულინარიაში უმი სახით გამოიყენება - სალათების მომზადებისას, თუმცა მას სხვადასხვა სუპებში და რაგუს მომზადების დროსაც იყენებენ. კოლრაბის შემადგენლობაში შედის სელენი, რომელიც ხელს უწყობს იმუნიტეტის შენარჩუნებას. ის მდიდარია ცილებით, მინერალური მარილებით, ვიტამინებით, ფერმენტებით. კომბოსტოს ეს სახოება განსაკუთრებით სასარგებლოა სიმსუქნის დროს (გამოირჩევა დაბალი კალორიულობით). გარდა ამისა, კოლრაბი საუკეთესო შარდმდენი და გამწმენდი საშუალებაა. ის აძლიერებს ნაწლავების მოტორიკას და გამოაქვს ორგანიზმიდან შლაკები, ტოქსინები და ზედმეტი ქოლესტერინი.
კოლრაბის შეძენისას ყურადღება მიაქციეთ ფოთლებს - ის უნდა იყოს მწვანე და ახალი.
