თმის ცვენა გაზაფხულის შემოსვლასთან ერთად უფრო ხშირად გვახსენებს თავს. ამაზე განსაკუთრებით ქალები ღელავენ, თუმცა შეგვხვედრია ბევრი ისეთი შემთხვევა, როდესაც მამაკაციც მტკივნეულად აღიქვამს ამ პროცესს. ხალხური მედიცინას უამრავი საშუალება გააჩნია ამ პრობლემის გადასაჭრელად.

ხალხური საშუალებები თმის ცვენის სამკურნალოდ:

• თუ თმის ჭარბი ცვენა გაქვთ, სცადეთ შემდეგი რეცეპტი. დღეში 2-ჯერ თავის კანზე წაისვით ქრისტესისხლას წვენი.
  
  
• დავაქუცმაცოთ რამდენიმე დიდი ნივრის თავი. თუ ცხიმიანი თმა გვაქვს, დავუმატოთ რამდენიმე წვეთი მცენარეული ზეთი.
  მიღებული მასა თავზე წავისვათ. 2 საათში თავი შამპუნით დავიბანოთ. ეს პროცედურა უნდა ჩავიტაროთ კვირაში 2-ჯერ 6 თვის განმავლობაში.
  
  
• შევურიოთ ხახვის წვენი და არაყი, პროპორციით 1:2 წავისვათ თავზე დაბანამდე. მკურნალობის კურსი 3-4 თვე. ეს მეთოდი ეფექტურია თმის ცვენის წინააღმდეგ.
  
  
• თავი ჭინჭრის წვენით დავიბანოთ.
  
  
• არყის ხის ფოთლების 6 სუფრის კოვზს დავასხათ 0,5 ლიტრი მდუღარე წყალი, დავაყენოთ. თბილი ნაყენით თავი დავიბანოთ.
  
  
• ავიღოთ 1 ნაწილი კონიაკი, 4 ნაწილი ხახვის წვენი (წვენი გავფილტროთ), 6 ნაწილი ოროვანდის ფესვების ნახარში, კარგად ავურიოთ. ნარევი წავისვათ თავზე და პირსახოცით შევიხვიოთ, 2 საათით. ეს პროცედურა კვირაში ერთხელ ჩავიტაროთ.
  
  
• ანადუღარ წყალში ჩავყაროთ შვრიის ფუნთუშები. მიღებული მასა თავის კანზე წავისვათ.
  
  
• გულყვითელას ყვავილებს დავასხათ წყალი, პროპორციით 1:10, დავაყენოთ 14 საათი. 1 სუფრის კოვზი ნაყენი გავხსნათ 0,5 ჭიქა ანადუღარ წყალში. თავი დავიბანოთ.
  
  
• შევურიოთ აბუსალათინის ზეთი და 96%-იანი სპირტი, პროპორციით 1:1. ნარევი შევიზილოთ თავის კანში, სამ საათში თავი საპნით დავიბანოთ, შემდეგ გადავივლოთ თბილი წყალი ძმრის ან ლიმონმჟავას დამატებით.