თმის ცვენა შეიძლება ეხებოდეს მხოლოდ სკალპს ან მთელ სხეულს. იგი შეიძლება განპირობებული იყოს გენეტიკით, ჰორმონული ცვლილებებით, სამედიცინო მდგომარეობებით ან მედიკამენტებით. თმის ცვენა შეიძლება განუვითარდეს კაცსაც, ქალსაც და ბავშვსაც. სანამ დაიწყებდეთ თმის ცვენის საწინააღმდეგო მკურნალობას, მიმართეთ ექიმს და გაარკვიეთ თმის ცვენის მიზეზი. ეს დაგეხმარებათ მკურნალობის უფრო ეფექტური მეთოდის შერჩევაში.

თმის ცვენის ხალხური მეთოდებით მკურნალობა:

• ცაცხვის ფერი მოგვეხმარება ამ პრობლემის მოგვარებაში. 8 სუფრის კოვზ ცაცხვის ფერს დავასხათ 0,5 ლ წყალი და ვადუღოთ 20 წუთი. მიღებული ნახარშით თავი დავიბანოთ ერთი თვის განმავლობაში.
  
  
• ძალიან სასარგებლოა არყის ხის წვენის, ალოეს წვენის, თაფლისა და კვერცხის გულის წასმა. ავიღოთ ყველა ინგრედიენტის 1 ჩაის კოვზი, კარგად ავურიოთ და წავისვათ თავის კანზე. დავიტოვოთ 1-2 საათი თავის დაბანამდე. თავის დაბანა უმჯობესია არყის ხის ფოთლების ნაყენით.
  
  
• ძალიან სასარგებლოა კვირაში 2-ჯერ ოროვანდის ფესვებით და გულყვითელას ფოთლებით თავის დაბანა (20 გრამი ოროვანდი და 10 გრამი გულყვითელა 1 ლიტრ წყალზე).
  
  
• შეიძლება მოვამზადოთ თავის კანისთვის მკვებავი მალამო. ამისათვის 1 სუფრის კოვზი მცენარეული ზეთი და კვერცხის გული შევურიოთ ერთმანეთს.
  წავისვათ თავის კანზე, ყოველ 40 წუთში ერთხელ თბილი წყლით ჩამოვიბანოთ. ეს პროცედურა კვირაში ერთხელ ჩავიტაროთ.
  
  
• ემალირებულ ჭურჭელში ჩავყაროთ 10 გრამი გვირილას ყვავილები, დავასხათ 1 ჭიქა მდუღარე წყალი, თავზე დავახუროთ, გავაცხელოთ წყლის აბაზანაზე 30 წუთი, გავაციოთ ოთახის ტემპერატურაზე 15 წუთი, გავფილტროთ, შუშის ჭურჭელში დავტოვოთ 2 დღით. მიღებული ნაყენით დავიბანოთ თავი.
  
  
• 50 გრამი სვიის გირჩები მოვათავსოთ ემალირებულ ჭურჭელში, დავასხათ 1 ლიტრი ცხელი ანადუღარი წყალი, თავზე დავახუროთ, გავაცხელოთ წყლის აბაზანაზე 30 წუთი, გავაციოთ ოთახის ტემპერატურაზე 20 წუთი, გავფილტროთ, გადავასხათ სამლიტრიან შუშის ბოთლში და ჩავასხათ ანადუღარი წყალი. მიღებული ნახარშით თავი დავიბანოთ.
  
  
• კარგ ეფექტს იძლევა დედოფლის ყვავილის და ჭინჭრის ლოსიონის წასმა.
  
  
• 100 გრამი დედოფლის ყვავილის ფოთლები, ყვავილები და ნაყოფი დავაქუცმაცოთ და შევურიოთ 100 გრამ ჭინჭრის ფოთლებს.
  მიღებულ ნარევს დავასხათ 500 მილილიტრი სამედიცინო სპირტი, დავაყენოთ 15 დღე და გავფილტროთ. წავისვათ ძილის წინ.
  
  
• ოროვანდის ფესვები ჩავყაროთ ქვაბში, დავასხათ წყალი, ისე რომ ფესვები დაფაროს, ჩავდგათ ღუმელში. ვადუღოთ ფესვების დარბილებამდე. გავაციოთ და გავფილტროთ. ყოველდღე დავიბანოთ თავი ამ ნახარშით.
  
  
• თავი თბილი წყლით დავიბანოთ, საპნის გარეშე, ფრთხილად წავისვათ მარილი. 10-15 წუთის განმავლობაში გავიკეთოთ თავის მასაჟები, შემდეგ თავი დავიბანოთ. ეს პროცედურა 6-ჯერ გავიმეოროთ.