რაოდენ მადისაღმძვრელია ლამაზი კერძები, არა? ახალი წლის სუფრაზე ხომ საერთოდ გავჩუმდები.. ხშირად, ძირითადი კერძებიც კი არაა იმდენად გემრიელი, რამდენადაც შესანიშნავი კანაპე, ტარტალეტები და რულეტები. სწორედ ამიტომ, სტუმრად წასვლისას, პირველ რიგში, არწივის მზერას მივაპყრობ სუფრის იმ ნაწილს, სადაც დასაყოლებელი კერძები აწყვია.

დასაყოლებლები ახალი წლისთვის


სტუმრების მოსვლისთვის მე გამოვყოფ 5 საუკეთესო, არაორდინალურ და გემრიელ კერძს. კართან ახალი წელი მოგვადგა, ამიტომაც რჩევების რედაქციის მკითხველებს ვუზიარებ მათ რეცეპტებს.

კრაბის ჩხირები


ინგრედიენტები

• 200 გ კრაბის ჩხირები
  
• 3-4 კვერცხი
  
• 100 გ მაგარი ყველი
  
• 2-3 კბილი ნიორი
  
• მაიონეზი
  
• კამა
  

მომზადება

1. მოხარშეთ კვერცხი მაგრად და მოაშორეთ ცილა გულს. მსხვილად დახეხეთ ცილები, გული - წვრილად. არ შეურიოთ ეს ორი ინგრედიენტი.
   
2. დახეხეთ ყველი წვრილად, ნიორი დაჭყლიტეთ.
   
3. წვრილად დაჭერით კამა, მომცრო თასში შეურიეთ ცილა, ყველი, კამა და ნიორი. შეაზავეთ მიღებული მასა მაიონეზით და კარგად მოურიეთ.
   
4. ფრთხილად გახსენით კრაბის ჩხირები და წაუსვით ყველის შიგთავსი. შემდეგ გაახვიეთ ჩხირები რულეტების ფორმით, კომფორტისთვის გაჭერით ჩხირები ორ ნაწილად.
   
5. თითოეულ რულეტს წაუსვით ორივე მხრიდან მაიონეზი და ჩაალბეთ კვერცხის გულში. მორთეთ კერძი მწვანილით.
   

განსაკუთრებული დასაყოლებელი
ინგრედიენტები

• 150 გ მოხარშული ქათმის ფილე
  
• 150 გ სტაფილო კორეულად
  
• 300 გ შამპინიონები
  
• მაიონეზი
  
• ტარტალეტები
  

მომზადება

1. მოხარშეთ ქათმის ფილე და დაჭერით მომცრო კუბებად.
   
2. გარეცხეთ სოკოები და შეწვით ნელ ცეცხლზე.
   
3. დაჭერით სტაფილო გრძლად და შეურიეთ ფილეს, სოკოსა და მაიონეზს.
   
4. მოათავსეთ მზა შიგთავსები ტარტალეტებში.
   

შამპინიონები ქათმითა და ყველით


ინგრედიენტები

• 500 გ ქათმის ფილე
  
• 60 გ ფეტა(ყველი)
  
• 1 ს.კ. ფქვილი
  
• 300 გ შამპინიონები
  
• 100 გ მოცარელა
  
• 4 ს.კ. არაჟანი
  
• რამდენიმე ღერო ოხრახუში
  
• 1 ს.კ. მცენარეული ზეთი
  
• დაფქული წიწაკა და მარილი გემოვნებით
  

მომზადება

1. გარეცხეთ და გააშრეთ სოკო, ბასრი დანით მოაცალეთ ფეხები. დააფარეთ საცხობ ფორმას პერგამენტი და მოათავსეთ მასზე სოკოები ხვრელით ზემოთ.
   
2. წვრილად დაჭერით და შეწვით ქათმის ფილე მცენარეულ ზეთზე. ტაფაზე დაუმატეთ სოკოს დაჭრილი ფეხები და მოამზადეთ კიდევ 5 წუთის მანძილზე.
   
3. მომცრო ჭურჭელში შეურიეთ ფქვილი და არაჟანი, შემდეგ გადაასხით მიღებული მასა ტაფაში. მოაყარეთ მარილი და წიწაკა გემოვნებით. გააგრძელეთ მასის მომზადება 10 წუთის მანძილზე, შემდეგ აიღეთ ცეცხლიდან და გააგრილეთ.
   
4. ამასობაში გააცხელეთ ღუმელი 180 გრადუსზე. დახეხეთ ყველი ფეტა წვრილად და დაუმატეთ არაჟნის მასას.
   
5. დესერტის კოვზის დახმარებით ფრთხილად მოათავსეთ შიგთავსი თითოეულ სოკოში. მოაყარეთ სოკოს დახეხილი მოცარელა.
   
6. აცხვეთ 20 წუთის მანძილზე.
   

ქათმის რულეტები


ინგრედიენტები

• 500 გ ქათმის ფილე
  
• 3 კვერცხი
  
• 100 გ ბოსტნეული გემოვნებით(ბულგარული, პომიდორი, კიტრი)
  
• 1 ს.კ. მაიონეზი
  
• მარილი, წიწაკა გემოვნებით
  

მომზადება

1. ჩაჭერით ფილე რამდენიმე ადგილას, შემდეგ კი დაბეგვეთ. შედეგად უნდა მიიღოთ ხორცის თხელი ფენა, რომელიც იდეალურია რულეტის შესახვევად. აუცილებლად შეაზილეთ ხორცს მარილი და წიწაკა.
   
2. მოამზადეთ ომლეტი კვერცხის, მაიონეზისა და ბოსტნეულის გამოყენებით.
   
3. მოათავსეთ ომლეტი ქათმის ფილეზე და შეახვიეთ რულეტი.
   
4. მჭიდროდ გაახვიეთ რულეტი საკვებ ცელოფანში და ჩადეთ მდუღარე წყლით სავსე ქვაბში, აცადეთ მომზადება ძალიან ნელ ცეცხლზე, 40 წუთის მანძილზე.
   

ტარტალეტები კრევეტებითა და ყველით


ინგრედიენტები

• ფშვნადი ტარტალეტები
  
• 100 გ საშუალო ზომის კრევეტები
  
• 100 გ მოცარელას ყველი
  
• 2-3 ს.კ. მაიონეზი
  
• მარილი
  
• 1 კბილი ნიორი
  
• რამდენიმე ფოთოლი მწვანე ხახვი
  
• მზესუმზირის ზეთი
  

მომზადება

1. შეწვით კრევეტები ზეთზე 3-5 წუთში.
   
2. ბლენდერით ათქვიფეთ მაგარი ყველი, მაიონეზი, ნიორი, მწვანე ხახვი და მარილი.
   
3. მოათავსეთ ყველის შიგთავსი თითოეულ ტარტალეტზე, ზემოდან კი დაადეთ კრევეტები.