ტონზილიტი (გლანდების ანთება) არის ნუშისებრი ჯირკვლების ანთება. ძირითადად გამოწვეულია ვირუსული ინფექციებით, თუმცა, იშვიათად შეიძლება გამოიწვიოს ბაქტერიულმა ინფექციებმაც.

ტონზილიტის დროს:

ერთმანეთში აურიეთ:

• 10 გრ დიდი კამის ნაყოფი, 20 გრ მარწყვბალახა, 25 გრ ალთეს ფესვი, 25 გრ მუხის ქერქი და 25 გრ სალბის ფოთოლი;
  
  
• 30 გრ ჟოლოს ფოთოლი, 35 გრ ვირისტერფა, 35 გრ სალბის ფოთოლი;
  
  
• 15 გრ ევკალიპტის ფოთოლი, 20 გრ სალბის ფოთოლი, 10 გრ გვირილის ყვავილი, 10 გრ პიტნის ფოთოლი, 15 გრ ფიჭვის კვირტი, 20 გრ კულმუხოს ფესვი, 10 გრ ბეგქონდარას ბალახი;
  
  
• 20 გრ ევკალიპტის ფოთოლი, 15 გრ კალენდულას ყვავილი, 10 გრ გვირილის ყვავილი, 10 გრ ბეგქონდარას ფესვი, 10 გრ ძირტკბილას ფესვი, 20 გრ ცაცხვის ყვავილი და 15 გრ ფარსმანდუკის ბალახი;
  
  
• 20 გრ ორკბილას ბალახი, 65 გრ ცაცხვის ყვავილი, 15 გრ ავშანის ბალახი.
  
  ნებისმიერ ნარევს დაასხით 0,5 ლიტრი ადუღებული წყალი, ნახევარი საათით გააჩერეთ და გადაწურეთ. მიიღეთ 1/2 ჭიქა დღეში სამჯერ.
  
  
• ყელის ტკივილს არჩენს წითელი ღვინოსა და შაქრის ნაყენი, აგრეთვე - დინდგელი, რომელიც კევივით უნდა ღეჭოთ.
  
  
• ტონზილიტის სამკურნალოდ გამოგადგებათ თეთრი ხახვიც. ეს მცენარე შეიცავს ეთერზეთებს, ასკორბინის მჟავას, ორგანულ მჟავებს, B1, B2, B5 ვიტამინებს, ფიტონციდებს, კალციუმის მარილებს, ფოსფორს და სხვა სასარგებლო ნივთიერებებს. დღეში 3-4-ჯერ მიიღეთ 1 ჩ/კ ახალგამოწურული წვენი.
  
  
• ყელში გამოსავლებად კარგია მოცვის ნახარში: 100 გრ გამომშრალ ნედლეულს დაასხით 0,5 ლიტრი წყალი და ადუღეთ, სანამ 0,3 ლიტრამდე არ დავა.
  
  
• ნუშურა ჯირკვლების ანთების დროს გარგებთ სალბის ფოთლის ნაყენიც:4 ჩაის კოვზს დაასხით 2 ჭიქა ადუღებული წყალი, 30 წუთით დააყენეთ და გადაწურეთ. თბილი ნაყენი დღეში 3-4-ჯერ გამოივლეთ ყელში.