ანგინა ანუ მწვავე ტონზილიტი სასის ნუშისებრი ჯირკვლების ანთებაა. ის საკმაოდ გავრცელებული დაავადებაა. ანგინა შესაძლოა გამოიწვიოს მიკრობმა, ვირუსმა, სოკომ.

ანგინას ხალხური მედიცინა შემდეგნაირად მკურნალობს:

• ნახევარლიტრიან ბოთლში ნახევრამდე მოათავსეთ ალოეს დაჭრილი ფოთლები, ზემოდან მოაყარეთ შაქარი. ბოთლს თავი მოუკარით დოლბანდით და გააჩერეთ 3 დღის განმავლობაში. შემდეგ დაასხით არაყი პირამდე, შემოახვიეთ დოლბანდი, კვალავ გააჩერეთ 3 დღის განმავლობაში და გაწურეთ. მიიღებთ მოტკბო -მომწარო ლიქიორს. მიიღეთ 1 ს/კ 3-ჯერ დღეში, ჭამამდე.
  
  
• დღეში 5-6-ჯერ დაღეჭეთ კოთხუჯის ფესვის პატარა ნაჭერი. ყოველი ნაჭერი პირის ღრუში გაიჩერეთ 15-20 წთ. ხალხურ მედიცინაში ითვლება, რომ თუ ამ პროცედურას ნახევარი-ერთი წლის განმავლობაში განაგრძობთ, ანგინა აღარასოდეს შეგაწუხებთ.
  
  
• გაცივებით გამოწვეული ყელის დაავადების დროს გამოიყენეთ კალანხოე. მცენარის წვენს შეურიეთ იმავე რაოდენობით წყალი და გამოივლეთ ყელში დღეში რამდენჯერმე. კალანხოეს წვენი ჩაიწვეთეთ ცხვირში სურდოს დროს და ნახევრად წყლით გაზავებული დალიეთ კიდეც.
  
  
• აიღეთ ანისულის ნაყოფი - 1 წილი, ვირისტერფას ფოთოლი - 1 წილი, ქერიფქლას ყვავილი - 1 წილი, მოლოქას ყვავილი - 2 წილი, კვლიავის ყვავილი - 2 წილი, ტუხტის ფესვი - 2 წილი, ძირტკბილას ფესვი - 5 წილი. 1 ს/კ ნარევს დაასხით 1 ჩ/ჭ ცივი წყალი, 2 საათის შემდეგ ადუღეთ 5-6 წუთის განმავლობაში დაბალ ცეცხლზე. გაცივების შემდეგ გაწურეთ. მიიღეთ 1/4 ჩ/ჭ თბილი ნახარში 4-ჯერ დღეში ანგინის, ხველის და გაცივების სხვა გამოვლინებების დროს.
  
  
• მიიღეთ 1 ჩ/კ ხახვის ახალგაწურული წვენი 3-4-ჯერ დღეში.
  
  
• 4 ჩ/კ სალბის დაქუცმაცებულ ფოთოლს დაასხით 2 ჩ/ჭ მდუღარე წყალი, გააჩერეთ 30 წთ, გაწურეთ. გამოიყენეთ პირის ღრუში და ყელში გამოსავლებად ანთების დროს.