სტრეტჩინგი, იგივე გაწელვა - ეს ფიზიკური სავარჯიშოების სახეობაა, რომელთა გარეშეც შეუძლებელია ლამაზი და მოქნილი ფიგურის მიღწევა. იგი უხდება ყველას, მათ შორის ფეხმძიმეებს, არ აქვს ასაკობრივი და წონითი შეზღუდვა.
კუნთების გაწელვითი სავარჯიშოების დახმარებით შესაძლებელია ფიგურის კორექცია და სილუეტის გამოკვეთა, მოქნილობის მიღწევა, პოზისა და სიარულის გასწორება, ცელულიტისა და ცხიმოვანი ფენების მოცილება კონკრეტულ ზონებში. ამასთან, მკვრივი კუნთები გაცილებით ლამაზია.

იმისათვის, რომ ლამაზი დუნდულები გქონდეთ, არამხოლოდ ბუქნები, ანტიცელულიტური კრემებისა და არომატული აბაზანების მიღება, არამედ დუნდულა კუნთების გაწელვაც აუცილებელია, რათა მუდმივ ტონუსში გქონდეთ. სწორედ ესაა ყველაზე ეფექტური საშუალება, რომელიც ლამაზ ფიგურას მოგანიჭებთ, გააძლიერებს ქალურ ჯანმრთელობას და ნერვულ სისტემასაც ჩაალაგებს.



სტრეტჩინგი დამწყებთათვის

1. დაკეცვა
   შესანიშნავი საშუალება, რომელიც სასარგებლოა ზურგის, თეძოების, თეძოების შიდა და უკანა ზედაპირისთვის, ასევე, მოქმედებს მენჯის კუნთებზეც. აღვნიშნავთ, რომ ყველა სავარჯიშო ნელა და ფრთხილად უნდა შეასრულოთ.
   მაშ ასე, იატაკზე დაჯექით და ფართოდ გაშალეთ ფეხები, მუხლები იატაკს უნდა ეყრდნობოდეს. ზურგი სწორად გქონდეთ, დახარეთ ტორსი ქვემოთ, იატაკისკენ. იდეალში მკერდით უნდა შეეხოთ მას. მაქსიმალურ წერტილში გაჩერდით 30 წამით.
   
   
   
2. სავარჯიშო ბარძაყის ორთავა კუნთის გაწელვისთვის
   დაწექით იატაკზე, მოხარეთ მუხლში მარჯვენა ფეხი და შემოეხვიეთ ხელებით, ნელა მიიზიდეთ იგი მკერდისკენ, ეცადეთ, მჭიდროდ მიიდგათ. ამასთან, მარცხენა ფეხი არ უნდა შორდებოდეს იატაკს და არ უნდა იხრებოდეს მუხლში. დაუბრუნდით საწყის მდგომარეობას და გაიმეორეთ მარცხენა ფეხზეც. შეგიძლიათ, ერთდროულად ორივე ფეხიც გააკეთოთ.
   
   
   
3. სავარჯიშო ბარძაყის ოთხთავა კუნთის გაწელვისთვის
   სავარჯიშოს შესასრულებლად დაწექით იატაკზე. მოხარეთ მარჯვენა ფეხი მუხლში, მოეჭიდეთ კოჭს და წაიღეთ თეძოსკენ მაქსიმალურად ახლოს. გაჩერდით მაქსიმალურ წერტილში 30 წამით. შეასრულეთ მეორე ფეხზეც.
   
   
   
4. სავარჯიშო მუხლქვეშა მყესების გაწელვისთვის
   დაჯექით იატაკზე, გამართეთ მარცხენა ფეხი წინ, მარჯვენა კი მუხლში მოხარეთ, მოეჭიდეთ ტერფს და წამოიღეთ თქვენკენ გამართულად. მაქსიმალურ წერტილში შეჩერდით 30 წამით. დაუბრუნდით საწყის მდგომარეობას და გაიმეორეთ მარჯვენა ფეხითაც.
   
   
   
5. სავარჯიშო ზურგისა და დუნდულების ზედა კუნთების გაწელვისთვის
   დაჯექით ქუსლებზე, ფეხებ ოდნავ დააშორეთ. საწყისი მდგომარეობიდან გაწიეთ ხელები წინ, დაიხარეთ ტორსით ქვემოთ. ხელის გულები უნდა ეყრდნობოდეს იატაკს, თავი იატაკზე იდოს, ხელებს შორის. თეძოები არ უნდა წყდებოდეს ქუსლებს. ზურგის დაჭიმულობის შეგრძნებისთანავე გაჩერდით ამ მდგომარეობაში 30 წამით. მოდუნდით და დაუბრუნდით საწყის მდგომარეობას.
   
   

იმისათვის, რომ ლამაზი და მრგვალი თეძოები გქონდეთ, აუცილებელია მათ ირგვლივ კუნთების გაწელვაც. ამიტომ სავარჯიშოების კომპლექსში მითითებულია სხვადასხვა კუნთების ჯგუფები. გაიმეორეთ სავარჯიშოები ყოველ დილით და დააგვირგვინეთ სხვა სავარჯიშოებითაც. 1 თვეში შედეგი უკვე ხილული იქნება.