მომჟავო, ვიტამინებით დამუხტული ჯანჯაფილის ჩაი ჯანმრთელობის ნამდვილი კვინტესენციაა, განსაკუთრებით გვიან შემოდგომასა და ზამთარში, როცა ვირუსები და გაციება თავს დაგვტრიალებს. ჩვენ გთავაზობთ, არ დაგეზაროთ, ყოველ ჯერზე ინგრედიენტების დაჭრის დრო თუ არ გაქვთ, დახარჯეთ 10 წუთი და მოამზადეთ კონფეტები, რომლებიც მთელი ზამთარი გეყოფათ.
გაყინული ჯანჯაფილის კონფეტები ზამთარში ჩაიში აუცილებლად უნდა ჩააგდოთ. ამასთან, წყლის დაყენება არც დაგჭირდებათ - დაასხით კონფეტს მდუღარე წყალი და დატკბით ენერგიის მოზღვავებით.



რჩევების რედაქცია მოგიყვებათ, როგორ უნდა მოამზადოთ ჯანჯაფილი თადლითა და ლიმონით, რათა მიიღოთ არამხოლოდ სარგებელი, არამედ კომფორტიც. დაგჭირდებათ მხოლოდ 3 ინგრედიენტი, 10 წუთი და საყინულე.

ინგრედიენტები

• ჯანჯაფილის ბოლქვები გემოვნებით
  
• 1 ლიმონი
  
• 1 ს.კ. თაფლი
  

მომზადება

1. გათალეთ ჯანჯაფილი, დაჭერით მოზრდილ ნაჭრებად, შემდეგ დააფქვიეთ ბლენდერში.
   
   
   
2. ლიმონი კანიანად დაჭერით და მოათავსეთ ბლენდერში.
   
   
   
3. შეურიეთ ლიმონის ფაფა ჯანჯაფილის მასას, დაუმატეთ თაფლი და კარგად მოურიეთ.
   
   
   
4. ჩადეთ მასა ყინულის ფორმებში, შეახვიეთ ცელოფანში და შედგით საყინულეში.
   
   
   
5. როცა კონფეტები გაცივდება, ამოიღეთ ფორმიდან, შეახვიდეთ ცალ-ცალკე საკვებ ცელოფანში და შედგით ისევ საყინულეში. შეგიძლიათ კონფეტები ჰერმეტულ ყუთში შეინახოთ.
   
   
   
6. სურვილისამებრ გამოიღეთ კონფეტი მაცივრიდან, ჩააგდეთ ფინჯანში, დაასხით მდუღარე და მაცოცხლებელი სასმელი მზადაა!