რეცეპტი, რომელსაც ახლა გაგაცნობთ, ბიძაჩემმა მასწავლა. იგი არავის აძლევდა ოჯახში თევზის მომზადების საშუალებას და ამბობდა, რომ ასე მხოლოდ მას შეუძლია გაკეთება. უამრავი თხოვნის შედეგად, მან მომზადების საიდუმლო გამანდო, რომელსაც ახლა თქვენ გაგიზიარებთ.



როგორ მოვამზადოთ თევზის მარინადი
ინგრედიენტები

• 3 ორაგული
  
• 0.5 ლ წყალი
  
• 2 ს.კ. მარილი
  
• 1 თავი ხახვი
  
• 2 დაფნის ფოთოლი
  
• შავი წიწაკის მარცვლები
  
• მცენარეული ზეთი
  

მომზადება

1. გაწმინდეთ თევზი ჩვეულებრივ: გარეცხეთ, ამოაცალეთ შიგნეულობა და შავი ფენა. თუ ხიზილალა აქვს, შეგიძლიათ დაიტოვოთ. მოაჭერით თავი, კუდი, ქვედა ფარფლი. შემდეგ ჩაჭერით შუაზე გრძლად, გაასუფთავეთ ფილე ძვლებისგან.
   
   
   
2. ახლა, როცა თევზი მზადაა, უნდა მოამზადოთ მარინადი. გახსენით მარილი ცივ, გადადუღებულ წყალში. ჩადეთ თევზი ამ სითხეში 1 საათით.
   
   
   
3. ამის შემდეგ ჩადეთ თევზი საწურში, რათა წვენი გაუვიდეს. დაჭერით ხახვი რგოლებად, ფილე - მოზრდილ ნაჭრებად. ჩაალაგეთ ეს ყველაფერი ქილაში ან სხვა ჭურჭელში ფენებად: ფსკერზე მოათავსეთ წიწაკის მარცვლები და დაფნის ფოთლები, ზემოდან თევზი და ხახვი. მჭიდროდ ჩაალაგეთ, მოასხით მცენარეული ზეთი და გააჩერეთ რამდენიმე საათით.
   
   

ამის შემდეგ თევზი მზადაა. შეგიძლიათ სუფრაზე დადოთ ხახვთან ერთად ან გამოიყენოთ სხვა კერძების მოსამზადებლად. ეს უკვე თქვენს გემოვნებაზეა დამოკიდებული.