თევზი ბევრად უფრო ადვილად მოსანელებელი საკვებია, ვიდრე ხორცი; თევზის შემადგენლობაში შემავალ ცილებსა და ცხიმს კარგად ითვისებს ადამიანის ორგანიზმი. ამიტომაც დღეს რჩევების რედაქცია უგემრიელესი თევზის ჩახოხბილის რეცეპტს გთავაზობთ.

ინგრედიენტები:

• თევზი - 1 კილოგრამი
  
• ხახვი - 3 თავი
  
• სტაფილო - 150 გრამი
  
• დაჭრილი ქინძი და ოხრახუში - 1-1/2 ჩაის ჭიქა,
  
• ზეთი - 100 გრამი
  
• პამიდორის წვენი - 2 ჩაის ჭიქა
  
• დაფნის ფოთოლი - 3-4 ცალი
  
• სურნელოვანი ან შავი პილპილი - 25 მარცვალი
  
• მარილი - გემოვნების მიხედვით.
  

მომზადების წესი:
ქარიყლაპია, ლოქო, წვერა, კობრი ან სხვა რომელიმე თევზი გავასუფთავოთ, მოვაყაროთ მარილი და დავაწყოთ ღრმა ტაფაზე, მოვაყაროთ ალყად დაჭრილი ხახვი, წვრილად დაჭრილი ქინძი და ოხრახუში, დავასხათ ზეთი და 2 ჩაის ჭიქა პამიდორის წვენი. ჩავაყოლოთ სტაფილო, დაფნის ფოთოლი, 20-25 მარცვალი სურნელოვანი ან შავი პილპილი და ვხარშოთ ნელ ცეცხლზე. მოხარშული თევზის ნაჭრები ჩავალაგოთ ღრმა ჯამფილაში და ზედ მოვასხათ თავისივე წვენი. სუფრაზე მივიტანოთ ცივად.