რატომღაც მიაჩნიათ, რომ დესერტების მოსამზადებლად განსაკუთრებული ნიჭია საჭირო. შესაძლოა, ყველას არ შეუძლია ტორტის მორთვა გლაზურით ან მასტიკით ძერწვა, თუმცა ცომისა და კრემის მომზადება ყველას შეუძლია ნამდვილად. განსაკუთრებით, თუ ხელთ ასეთი მარტივი და ეტაპობრივად დაყოფილი რეცეპტი გაქვთ.
დღეს კლასიკური ტორტების გამოცხობაც კი შეგიძლიათ წამებში. ჩვენ, მაგალითად, მოვამზადეთ ზარმაცი მედოკის შესანიშნავი რეცეპტი. მხოლოდ ქერქი, არავითარი ცომის გაყვანა, ძალიან მარტივი და სწრაფი კრემი.. ამაში თავადაც დარწმუნდებით.

ინგრედიენტები

• 100 გ მარგარინი
  
• 2 ს.კ. თაფლი
  
• 200 გ არაჟანი
  
• 2 ჭიქა ხორბლის ფქვილი
  
• 4 ჭიქა შაქარი
  
• 1 ჩ.კ. სოდა
  
• 2 ცალი კვერცხი
  
• 400 გ ათქვეფილი ნაღები
  

მომზადება

1. ღრმა ქვაბში მოათავსეთ მარგარინი, 1 ჭიქა შაქარი, თაფლი და სოდა. მუდმივად ურიეთ, გააცხელეთ ინგრედიენტები სრულ გახსნამდე.
   
2. გამორთეთ ცეცხლი, დაუმატეთ 200 გ არაჟანი, 2 კვერცხი და კარგად ათქვიფეთ მიღებული მასა. დაუმატეთ ფქვილი და კარგად მოურიეთ.
   
3. ჩაასხით ცომი პერგამენტიან საცხობ ფორმაზე და შედგით ღუმელში 200 გრადუსზე 15 წუთით.
   
4. დაელოდეთ, სანამ ფენა არ გაცივდება და გაჭერით იგი შუაზე როგორც ჰორიზონტალურად, ისე პერპენდიკულარულადაც. გამოგივათ 4 ფენა. დანით გაასწორეთ გვერდები. მოჭრილი ქერქი დააფქვიეთ.
   
5. ღრმა ჭურჭელში ათქვიფეთ ნაღები დარჩენილ შაქართან ერთად და ააწყვეთ ტორტი. მოაყარეთ ნამცეცები.
   

ახლა გააჩერეთ ტორტი რამდენიმე საათით, რათა ფენები კარგად გაიჟღინთოს. თუ ნაღები არ გაქვთ, შეგიძლიათ გამოიყენოთ ცხიმიანი არაჟანი, დაარეგულირეთ შაქრის რაოდენობა თქვენი სურვილით.