იოგის გამოყენება მსგავსი უსიამოვნებების სამკურნალოდ დღემდე ნაკლებადპოპულარულ პრაქტიკად ითვლება, თუმცა, ადამიანები, რომლებმაც უკვე უამრავი მეთოდი გამოსცადეს კისრისა და ხერხემლის გასაძლიერებლად, ამ სავარჯიშოების შემდეგ სხვას აღარაფერს მიმართავენ იოგის გარდა! ასეთი სავარჯიშოები გაგათავისუფლებთ კუნთების აუტანელი ტკივილებისგან.
რჩევების რედაქცია წარმოგიდგენთ იოგას რამდენიმე პოზას, რომლებიც მოგიხსნით კისრის მიდამოებში დაჭიმულობას, ხერხემალი მოიხსნის დაძაბულობას, რაც მჯდომარე ადამიანისთვის განსაკუთრებით მნიშვნელოვანია.
სამკურნალო იოგა
- დაწექით ზურგზე და მოხარეთ ხელები უკან. ხელები გვერდზე იქამდე გაწელეთ, სანამ შეგეძლებათ. ამ პროცესში მნიშვნელოვანია ტალღოვანება და სიმსუბუქე, რათა მყესები არ დააზიანოთ.
- დაჯექით მუხლებზე, იდაყვით დაეყრდენით მაღალ ნივთს და თავი დაუშვით დაბლა. გაჩერდით ამ მდგომარეობაში, თანდათან გაწელეთ ხერხემალი და ღრმად ჩაისუნთქეთ 10-ჯერ.
- დაჯექით საკუთარ ტერფებზე და შეაერთეთ ხელები ზურგსუკან, როგორც ფოტოზეა ნაჩვენები. ღრმად ისუნთქეთ, თავი სწორად გეჭიროთ. ეს ერთ-ერთი იმ სავარჯიშოთაგანია, რომელთა შესრულებაც, შესაძლოა, ძალიან მტკივნეული იყოს, თუმცა მისი ეფექტი ნამდვილად დიდია.
- დაიხარეთ დგომისას, ფეხები მხრების სიგანეზე. შეაერთეთ ხელები და აწიეთ მაღლა, თავსზემოთ. ხელები წინ გაწიეთ მანამ, სანამ შეგიძლიათ.
- იდაყვები მიადეთ კედელს მხრების დონეზე, გააკეთეთ რამდენიმე ნაბიჯი კედლიდან უკან და თავი დაბლა დაუშვით. შეასრულეთ ეს სავარჯიშო 5 ღრმა სუნთქვითი ციკლის მანძილზე.
- დაიდეთ მაგარი ბალიშები თავისა და წელის ქვემოთ. მოადუნეთ სხეული ამ მდგომარეობაში, გაჩერდით, დაითვალეთ 5 სუნთქვითი ციკლი.
- დადექით ოთხზე, გაწიეთ ერთი ხელი ერთ მხარეს, მეორე - ზემოთ, თავი იატაკზე უნდა იდოს. მიისწრაფეთ ხელებით სხვადასხვა მხარეს 9 სუნთქვითი ციკლის მანძილზე.
- საწინააღმდეგო ბარძაყი და იდაყვი გამოიყენეთ სხეულის გასაწელავად. თავისუფალი ხელი ოდნავ უკან უნდა იყოს გაწეული. შეასრულეთ ეს სავარჯიშო ორივე ფეხზე, ბარძაყის კუნთები კარგად უნდა გაიწელოს.
დაბოლოს, ერთი მნიშვნელოვანი რჩევა, რომელიც დაგეხმარებათ, თავიდან აიცილოთ ტკივილი კისრის არეში. ნუ ჩახედავთ მობილურს ან სხვა გაჯეტს სიარულის დროს! ეს კისრისთვის სრულიად არაბუნებრივი მდგომარეობაა.
იმისათვის, რომ კისერმა დაისვენოს, ნიკაპი ოდნავ დაბლა უნდა იყოს დაწეული და თითქოს კისერს უნდა ებჯინებოდეს. ასე იგი მოდუნდება და ტკივილიც არ შეგახუწებთ.
