დღეს რჩევების რედაქცია მოგიყვებათ, თუ რას წარმოადგენს ეს იაპონური სავარჯიშოები, რომლებიც ხანგრძლივად ცხოვრებაში გვეხმარება.
როგორ განვავითაროთ მოქნილობა
დიდი ხანია ცნობილია, რომ მოქნილობის განვითარება - ჯანმრთელობისა და დღეგრძელობის წინაპირობაა. აი, იაპონელებს ამის მთელი გულით სწამთ. თუ ჩვენში ეს პოპულარული მხოლოდ ბოლო წლებში გახდა, იაპონიაში მოქნილობის სავარჯიშოებზე საუკუნეების მანძილზე ვარჯიშობდნენ. ავიღოთ, მაგალითად, მაკო-ხოს ცნობილი ტექნიკა, რომელსაც გეიშები იყენებდნენ.
სავარჯიშოების ეს კომპლექსი, რეგულარული შესრულების შემთხვევაში, გააუმჯობესებს ჯანმრთელობას, დაარეგულირებს სისხლის მიმოქცევას და მოადუნებს კუნთებს. ტექნიკა, რომელსაც დღეს გაგაცნობთ, ჰგავს ზემოხსენებულს, თუმცა სავარჯიშოები განსხვავებულია.
ესაა ძიუნან ტაისოს კომპლექსი, რომელიც თავიდან შემუშავდა, როგორც მოთელვა საბრძოლო ხელოვნებაზე ვარჯიშის წინ. ითვლებოდა, რომ ამ სავარჯიშოების შემდეგ კუნთები იმდენად დუნდება, რომ ნებისმიერ დარტყმას ტრავმის მიღების რისკგარეშე განახორციელებდით.
ამ მოდუნების წყალობით, თქვენ გააუმჯობესებთ მოქნილობას. უბრალოდ უნდა შეასრულოთ სავარჯიშოები სწორად, რასაც დღეს ჩვენ გასწავლით.
- წინ გადახრა
ეს სავარჯიშო ნაცნობია მათთვის, ვისაც ერთხელ მაინც უცდია მოთელვა. საწყისი მდგომარეობაა ჯდომა მყარ ზედაპირზე, ფეხები სწორად. ცერები მოიზიდეთ თქვენკენ, ტერფები 70 გრადუსამდე მოხარეთ. ასეთი მოხრა დაგეხმარებათ, სწორად გააჩეროთ მუხლები დახრის დროს, რაც აუცილებელია სავარჯიშოს სწორად შესასრულებლად.
ახლა მოემზადეთ, გაასწორეთ ზურგი, ხელები იატაკის პარალელურად გაწელეთ და დაიწყეთ მათი მისწრაფება ფეხის თითებისკენ. არავითარი მკვეთრი მოძრაობა, ისუნთქეთ ღრმად და ყოველ ამოსუნთქვაზე ეცადეთ, მოდუნდეთ და სულ უფრო წინ დაიხაროთ. ჯერ მოეჭიდეთ ტერფებს ხელებით, რათა შეეჩვიოთ, საბოლოო ჯამში თქვენ მიწვდებით ქუსლებსაც და შეეხებით იატაკს.
- მოთელვა გაშლილი ფეხებით
საწყისი მდგომარეობა უცვლელია. ფეხები გაშალეთ აქეთ-იქეთ მაქსიმალურად ფართოდ, ფეხის თითები მოიზიდეთ თქვენკენ და გაასწორეთ მუხლები. ახლა დაიხარეთ მარცხნივ, მოეჭიდეთ მარცხენა ტერფს ხელებით. ამ მდგომარეობაში გაჩრერდით რამდენიმე წამით, ამოსუნთქვისას დაიწყეთ დახრა,
შემდეგ გასწორდით და გაიმეორეთ მოძრაობა მარჯვნივაც. ახლა გაწელეთ ხელები თქვენ წინ, მომუჭეთ და დაალაგეთ იატაკზე მაქსიმალურად შორს. შემდეგ ეცადეთ, თავითა და მკერდით შეეხოთ იატაკს. თქვენი მისიაა მაქსიმალურად გაწელოთ ფეხის, ბარძაყებისა და ზურგის კუნთები.
- პეპელა
შეაერთეთ ფეხის ტერფები მენჯებთან ახლოს. ქუსლები მუხლის ზოლში უნდა იყოს, სხეულისგან ერთი მუშტის დაშორებით. მოეჭიდეთ ტერფებს ხელებით, ზურგი სწორად გეჭიროთ, მხრები დაუშვით. ახლა დაიწყეთ მუხლების რიტმულად აწევ-დაწევა. ღრმად ისუნთქეთ და ეცადეთ, მოადუნოთ კუნთები. როცა რიტმში შეხვალთ და მოდუნდებით, მუხლები იატაკს უნდა შეეხოს.
ამ მომენტში გაჩერდით და დაიხარეთ წინ. ზურგი სწორად წაიღეთ, თავი კი თქვენ წინ, იატაკისკენ მიმართეთ. ნელა დაიხარეთ მაქსიმალურად დაბლა, გააგრძელეთ ღრმად სუნთქვა. ეს სავარჯიშო დაგეხმარებათ ბარძაყების, მენჯებისა და ფეხების კუნთების გაწელვაში. ასევე, იწელება ზურგი კუდუსუნამდე.
- მოთელვა სეიძას პოზაში
ახლა დადექით მუხლებზე და დაჯექით ქუსლებზე, სეიძას პოზაში. ნელა მობრუნდით მარცხნივ, მიაღწიეთ მაქსიმალურ წერტილს, მარცხენა ხელის თითები დადეთ იატაკზე და გაჩერდით ცოტა ხნით ამ მდგომარეობაში. ეცადეთ, შეეხოთ იატაკს მარჯვენა ხელითაც. შემდეგ გაიმეორეთ იგივე მარჯვენა მხარეს.
ახლა ნელა და ფრთხილად ეცადეთ, დაწვეთ იატაკზე, მხოლოდ იმ შემთხვევაში, თუ გრძნობთ, რომ ამის გაკეთება შეგიძლიათ. ეს მოხრები გაასწორებს ხერხემალს და გაზრდის მოქნილობას.
- ქანაობა
დაჯექით, გადააჯვარედინეთ ფეხები, გაასწორეთ წელი. მარცენა ტერფი მარჯვენას წინ მოათავსეთ. ტერფებს შორის ინტერვალს 20 სმ უნდა შეადგენდეს. შემდეგ გაასწორეთ ზურგი, მოადუნეთ მხრები და იყურეთ თქვენ წინ. ჩაეჭიდეთ ტერფებს ხელებით.
დაიხარეთ ოდნავ წინ, შემდეგ მსუბუქად დაჰკარით იატაკს ტერფებით, დაუშვით ნიკაპი მკერდისკენ, მოამრგვალეთ ზურგი და გადაეშვით უკან. შეასრულეთ ფრთხილად, თავის დარტყმა რომ აიცილოთ. ამისათვის დაიწყეთ უკუმოძრაობები, როცა ტერფები ჭერის პარალელური გახდება. ყველაზე მაღალ წერტილზე გაასწორეთ ფეხები და გაწელეთ ტერფებიც.
დაუბდუნდით საწყის მდგომარეობას, მოაშორეთ ნიკაპი მკერდს,ერთდროულად დაიწყეთ ზურგის გასწორებაც. ჰაერსი შეცვალეთ ფეხების მდგომარეობა, რათა ახლა მარჯვენა ფეხი იყოს წინ. გაიმეორეთ 10 ასეთი მოძრაობა. სავარჯიშოს მიზანია ხერხემლის მასაჟი, ეს მოადუნებს მის ყველა კუნთს.
