სიმსივნეები (ფიბრომიომა). სიმსივნეები - კეთილთვისებიანი, არაკანცეროზული წარმონამქნია საშვილოსნოს შიდა და გარე კედელზე, ერთი ან რამდენიმე; ჩნდება ერთი მუხუდოს მარცვლის ოდენობის და აღწევს შვიდთვიანი ნაყოფის ზომამდე. ვითარდება უმეტესად 35 და 40 წლის ასაკში. რადგან მათი წარმოშობა ესტროგენების დონესთანაა დაკავშირებული, მენოპაუზის - კლიმაქსის შემდეგ, ჭკნებიან ან იზრდებიან ხშირი ორსულობის დროს. პატარა სიმსივნეებს სიმპტომები არ ახლავს; დიდებს შეუძლიათ ძლიერი, ხანგრძლივი სისხლდენა, უნაყოფობა, მუცლის მოშლა გამოიწვიონ, მშობიარობა გააძნელონ და ამით შექმნან საკეისრო გაკვეთის აუცილებლობა.
სიმსივნეები ხშირად უჩნდებათ ზედმეტი წონის ქალებს. ეს შეიძლება დაკავშირებული იყოს ესტროგენების დონესთან, რადგან ესტროგენი ცხიმოვან საფარველში გროვდება. უმეტესად აღერიცხებათ ნაღვლის ბუშტში კენჭის მქონე პაციენტებს და უშვილო ქალებს.

სიმსივნეების სიმპტომები:

• ძლიერი, ხანგრძლივი მენსტრუალური სისხლდენა;
  
• სისხლდენა პერიოდებს შორის;
  
• რკინის ნაკლებობა - ანემია სისხლის ნაკლებობის საფუძველზე;
  
• მტკივნეული მენსტრუაცია;
  
• შარდის ბუშტის ზეწოლა, რომელიც ხშირ და უცბად მოშარდვის სურვილით გამოიხატება, იწვევს შარდის შეუკავებლობასდა ცისტიტის სიმპტომებს;
  
• გადიდებული ქვედა მუცელი;
  
• ტკივილები სქესობრივი აქტის დროს;
  
• ყაბზობა.
  თუ სიმსივნეების ღერძი - ღერო დაიგრიხება, სისხლის მიწოდება სიმსივნეებს შეუწყდება, იწყება ე.წ. დეგენერაცია, სიმსივნე ქვავდება და ხშირად იწვევს ქვედა მუცლის ტკივილს, ღებინებას, სიცხეს და შეუძლოდ ყოფნას.
  
  თვითდახმარება სიმსივნეების დროს.
  
• გახდით, შეამცირეთ ცხიმების მიღება;
  
• ჭამეთ საკმარისად შავი პური, ხილი და ბოსტნეული;
  
• მოერიდეთ კოფეინს, ალკოჰოლს, მზა საჭმელს, შაქარს და მზა, დაკონსერვებულ საკვებს შხამიანი ნივთიერებების ასაცილებად, რომლებიც სიმსივნეების გაჩენას უწყობენ ხელს;
  
• უმკურნალეთ ყაბზობას, რომ არ დაგროვდეს შხამები სხეულში;
  
• იმოძრავეთ ძალიან ბევრი სისხლით მომარაგების გასაუმჯობესებლად.
  

სიმსივნეების მცენარეებით მკურნალობა.
იხმარეთ ჰორმონალური დონის მომწესრიგებელი მცენარე ხეპილპილა, დალიეთ გამრავლების აპარატის მომწესრიგებელი საშუალება მარმუჭი.
მომადუნებელი ბალახები საშვილოსნოსათვის: ძახველი, ფრინტა, დიოსკორეა - აყუჩებენ ჭვლებს და ტკივილებს. სისხლის მიმოქცევას აუმჯობესებენ: ფარსმანდუკი, ანგელოზა, დარიჩინი, კოჭა. ისინი, აგრეთვე საშვილოსნოდან ნარჩენი პროდუქტების გამოტანას უწყობენ ხელს.
გამწმენდი მცენარეები: ბაბუაწვერას ფესვი და გულყვითელა ათავისუფლებენ ორგანიზმს ტოქსინებისგან.
ძლიერი სისხლდენი დროს შველის წყლის შროშანი, ხოლო ნემსიწვერა - ანემიის განვითარებას აფერხებს.