- 3 ჩ/კ შვიტას ბალახს შევურიოთ 1 ჩ/კ ჭინჭრის ბალახი, 2 ჩ/კ ჩვეულებრივი მატიტელას ბალახი და დავასხათ 1 ჭ მდუღარე წყალი, დავდგათ ნელ ცეცხლზე 3 წთ. გავაციოთ და გავწუროთ. მივიღოთ 1/2 ჭ 3-ჯერ დღეში 30წთ-ით ადრე ჭამამდე 3 კვირის განმავლობაში.
- გოგონას ვასმევდი აგრეთვე ასკილის ნაყენს თაფლით. 4 თვის მანძილზე ვიტარებდით ვარჯიშებს და ვაძლევდი ნახარშებს. მხედველობა საგრძნობლად გაუმჯობესდა. ბალახების მიღებას ვაგრძელებთ - წელიწადში 4-ჯერ 2-2 თვის მანძილზე. ვფიქრობ, რომ ბალახებმა სხვა პრობლემებიც მოგვიგვარა - უფრო იშვიათად ხდება ავად, უფრო ცოცხალი და მხნეა.
სპეციალისტის კომენტარი:
მინდვრის შვიტა. შეიცავს მთრიმლავ ნივთიერებებს, ნიკოტინს, ორგანულ მჟავებს,საპონინებს, ფისს, მინერალურ მარილებს და ცხიმოვან ზეთებს. ახასიათებს ანთების საწინააღმდეგო, შემკვრელი, სისხლდენის შემაჩერებელი,ჭრილობის შემახორცებელი მოქმედება. აძლიერებს დიურეზს. შვიტას ნახარშს იყენებენ როგორც შარდმდენ საშუალებას.
ბაქტერიოციდული ეფექტის გამო შვიტას ნახარში გამოიყენება როგორც გარეგანი საშუალება საფენების სახით და როგორც თვალების გამოსარეცხი საშუალება კონიუნქტივიტის დროს.
ჭინჭარი ვიტამინების უნიკალური შემადგენლობით გამოირჩევა. იგი დიდი რაოდენობით შეიცავს მცენარეულ ცილებს, ვიტამინებს, სხვადასხვა მინერალურ ნივთიერებებს, მთრიმლავ ნივთიერებებს, ქლოროფილს.
ჭინჭარი უზრუნველყოფს თვალის ქსოვილების კვებას დისტროფიული პროცესების და მიოპიის დროს.
ჩვეულებრივი მატიტელა საშარდე სისტემის კენჭოვანი დაავადებების პროფილაქტიკური საშუალებაა. მასში არსებული მთრიმლავი ნივთიერებები განაპირობებს მცენარის ანტიბაქტერიულ, ანთების საწინააღმდეგო ეფექტს. მატიტელას ნახარში წარმატებით გამოიყენება ჭრილობების, კანის ჩირქოვანი გამონაყარის და კონიუნქტივიტის დროს.
ჩვეულებრივი მატიტელას ბალახი არეგულირებს ცვლითი პროცესების მიმდინარეობას. სისხლძარღვების გაწმენდა მიოპიის დროს აუმჯობესებს თვალის კვებას.
