რეგულარულ აერობულ ( ამ ტერმინში იგულისხმება ზემოთ ჩამოთვლილი ყველა სახის მოძრაობა და დატვირთვა) დატვირთვას ახასიათებს სამკურნალო - პროფილაქტიკური მოქმედება დეპრესიის დროს, დამცავი ფუნქცია სტრესების მავნე ზემოქმედებისგან. მაგრამ ყველაზე მთავარია ის, რომ ამაღლებს იმუნიტეტს.
ვარჯიშებიდან შესამჩნევი სარგებლის მისაღებად აუცილებელია კვირაში სამჯერ მაინც ვარჯიში. იქნება ეს სირბილი დღეგამოშვებით, თუ სპორტ დარბაზსა და საცურაოდ სიარული. ოღონდ აუცილებლად თვალ-ყური უნდა ადევნოთ საკუთარ პულსსა და თვითშეგრძნებას. საჭიროა დატვირთვამდე და დატვირთვის შემდეგ სხვაობის გამოთვლა. ეს სხვაობა ნორმის ფარგლებში უნდა თავსდებოდეს.
აი, როგორ უნდა გამოვითვალოთ ეს: ჯერ 220 ციფრს გამოაკელით თქვენი ასაკი და მიიღებთ დატვირთვის შემდეგ თქვენი გულის დარტყმათა მაქსიმალურ რაოდენობას (თუ 50 წლის ხართ, 220-50=170) ამას გამოაკელით სიმშვიდის დროს გულის დარტყმათა (ზემოთაც და აქაც საუბარია გულისცემის სიხშირეზე წუთში) რაოდენობა (მაგ. 170-70=100), მიღებული რიცხვი გაამრავლეთ ჯერ 50 პროცენტზე, ანუ 0,5-ზე და შემდეგ დაუმატეთ პულსის სისხშირე, მშვიდ მდგომარეობაში (ესე იგი 100X0,5+70=120). მიიღებთ პულსაციის ქვედა ზღვარს. ზედა ზღვრის მისაღებად კი იგივე ციფრი (ე.ი. 100) გაამრავლეთ 0,85 პროცენტზე და მიუმატეთ გულის დარტყმათა რაოდენობა მშვიდ მდგომარეობაში (100X 0,85+70=155) რა მივიღეთ? - თქვენი გული დატვირთვის შემდგომ უნდა მუშაობდეს წუთში 120-დან 155-მდე დარტყმის სისწრაფით.
თუ დატვირთვის დროს პულსი ქვედა ზღვარზე ნაკლებია, ესე იგი დატვირთვა ნორმაზე დაბალია, ხოლო თუ იგი ზედა ზღვარს აღემატება, ეს იმას ნიშნავს, რომ ზედმეტი მოგივიდათ და ცოტა უნდა დაზოგოთ თავი.
შეგიძლიათ გამოთვალოთ აღდგენის პულსიც და თქვენ მიახლოებით გაიგებთ, თუ რამდენად სწრაფად და ეფექტურად ახერხებს თქვენი გული მუშაობის მშვიდ რეჟიმზე დაბრუნებას დატვირთვის შემდეგ. აღდგენის პულსის დასადგენად გაიზომეთ პულსი დატვირთვის შემდეგ მაშინვე, და 1 წუთის შემდეგ კიდევ. დარტყმები წუთში 20-ით უნდა შემცირდეს. ეს ნორმაა. დროთა განმავლობაში სხვაობა შეიძლება გაიზარდოს. ცნობილია, რომ სპორტსმენებში ეს სხვაობა 40 დარტყმაა.
