» » » მოსახლეობის 70% უჩივის ეპიზოდურ ან ქრონიკულ თავის ტკივილს, რატომ?!

მოსახლეობის 70% უჩივის ეპიზოდურ ან ქრონიკულ თავის ტკივილს, რატომ?!

როგორც ცნობილია თავის ტკივილი სხვადასხვანაირი შეიძლება იყოს - შეუპოვარი და არც ისე, მოულოდნელი და თანდათანობითი. თავის ტკივილს შეიძლება ადგილი ჰქონდეს გარკვეულ მიდამოში, მაგალითად საფეთქლის არეში, ან შეიძლება მთელი თავი გვტკიოდეს.
გამოკვლევები გვიჩვენებს, რომ განვითარებული ქვეყნების მოსახლეობის 70% უჩივის ეპიზოდურ ან ქრონიკულ თავის ტკივილს.

თავის ტკივილის ჯგუფში შედის:
  • კისრის ოსტეოქონდროზით გამოწვეული თავის ტკივილი;
  • შაკიკი;
  • ტრავმის შემდგომი თავის ტკივილი;
  • ფსიქოგენური თავის ტკივილი (ყრუ, კეფის არეში ლოკალიზებული, რომელსაც ხშირად თან ახლავს ფორიაქი და დეპრესია ).

სხვა დაავადებათა შორის, რომელსაც თან ახლავს თავის ტკივილი, შეიძლება იყოს ადამიანის სხვადასხვა ორგანოების დაზიანება: ანთებითი, სისხლძარღვოვანი, ტრავმული, ენდოკრინული, ზოგადინტოქსიკაციური.
  1. სისხლძარღვოვან დაავადებებს, რომელსაც შედარებით ხშირად ახლავს თავის ტკივილი, მიეკუთვნება: არტერიული ჰოპო და ჰიპერტენზია, თავის ტვინის და კისრის სისხლძარღვების ათეროსკლეროზი, სისხლჩაქცევა თავის ტვინში ან ტვინის მწვავე ინფარქტი.

  2. ხშირია ენდოკრინული დარღვევებით გამოწვეული თავის ტკივილი: ჰორმონალური სინდრომი ქალებში (კლიმაქსი, პრედმენსტრუალური სინდრომი, ორსულობა), ფარისებრ ჯირკვლის დაავადებები (ჰიპო და ჰიერთირეოზი).

  3. ზოგადინტოქსიკაციური მიზეზებით განვითარებული თავის ტკივილი საკმაოდ ბევრია: ქრონიკული ანთებითი დაავადებები (განსაკუთრებით ღვიძლის, თირკმელების და კუჭ-ნაწლავთა სისტემის), სამკურნალო პრეპარატების მიღებით გამოწვეული ინტოქსიკაცია. ეს განსაკუთრებით ხშირია ასაკოვან ადამიანებში, რომლებიც ხანგრძლივი დროის მანძილზე ღებულობენ სხვადასხვა მედიკამენტებს. ანტიბიოტიკები, ანტიკონვულსიური პრეპარატები, ზოგიერთი ანტიდეპრესანტები და წნევის დამწევი წამლები - ეს ის პრეპარატებია, რომელთა მიღების შედეგად განვითარებული ინტოქსიკაცია იწვევს თავის ტკივილს. ნაბახუსევზე განვითარებული თავის ტკივილიც ინტოქსიკაციებს მიეკუთვნება.

მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს:

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.