თავის ტკივილი მთელი რიგი დაავადებების თანამგზავრია; იგი ხშირად აღინიშნება თავის ტვინის სისხლძარღვოვანი დაავადებების, კერძოდ შაკიკის, ჰიპერტონიული სნეულების და დაბალი არტერიული წნევის (ჰიპოტონიის) დროს, აგრეთვე თავის ტვინის სიმსივნეების, ანთებითი პროცესებისა და ტრავმების შემთხვევებში. არაიშვიათად თავის ტკივილი ნერვული სისტემის ფუნქციური დაავადებების, ნევროზების დროსაც. მისი მიზეზი ხშირად არის ალკოჰოლის მიღება.

თავის ტკივილის მკურნალობა:

• 20 გრ სიონჯის თესლების ფხვნილს დავასხათ 200 გრ ღვინის ძმარი, დავაყენოთ 2-3 დღით, პერიოდულად ვანჯღრიოთ. შევინახოთ ბნელ, გრილ ადგილას. ქრონიკული თავის ტკივილისას ნაყენი ცხვირში ჩავიწვეთოთ.
  
  
• ძლიერი თავის ტკივილისას შევისუნთქოთ ჩვეულებრივი ღვიას ნაყოფის ფხვნილი.
  
  
• შაკიკის დროს კარგია ყურებში წითელი ჭარხლის წვენში დასველებული ტამპონის ჩადება ან საფეთქლებთან და ყურების უკან პატარა ნაჭერში გახვეული მჟავე კომბოსტოს მიდება და თავზე პირსახოცის შემოხვევა.
  
  
• თავის ტკივილის დროს, რომელიც თან ახლავს ტემპერატურას, შუბლზე და საფეთქლებზე გამთბარი ლიმონის რბილობი, დღეში რამდენჯერმე წავისვათ.
  
  
• 100 გრ კეწერას დაქუცმაცებულ ბალახს დავასხათ 1ლ წითელი ღვინო, დავაყენოთ ბნელ გრილ ადგილას 2 კვირით, პერიოდულად შევანჯღრიოთ, შემდეგ გავწუროთ. მივიღოთ 30 მლ 3-ჯერ დღეში, ჭამამდე 30 წთ-ით ადრე, ნევროზისა და დეპრესიის დროს, ჭამამდე 30 წთ-ით ადრე, ნევროზისა და დეპრესიის დროს განვითარებული თავის ტკივილის დროს.
  
  
• ბოთლი სამყურას ყვავილიანი თავთავებით ავავასოთ, დავასხათ არაყი, დავაყენოთ ბნელ ადგილას 2 კვირით, პერიოდულად შევანჯღრიოთ და გავწუროთ. მივიღოთ 1 ჩ/კ წყალთან ერთად 3-ჯერ დღეში თავის ტკივილის დროს, რომელიც თან ახლავს გაციებას.
  
  
• ბოთლი ჟოლოს ნაყოფით ავავსოთ, დავასხათ მშრალი წითელი ღვინო, დავაყენოთ 3 კვირით. შევინახოთ ბნელ, გრილ ადგილას. მივიღოთ 50 მლ 3-ჯერ დღეში, ჭამამდე 30-40 წთ-ით ადრე, გაციების დროს, როცა თავი გვტკივა.