რჩევების რედაქცია გირჩევთ, ყოველ დილით შეასრულოთ სავარჯიშო "კატა". იგი ფიტნესისა და სამკურნალო ფიზკულტურის სამყაროში იოგიდან მოვიდა და უსაფრთხოდ და ეფექტურად მოქმედებს კორპუსის მთელ ცენტრალურ ნაწილზე. ამიტომ, აუცილებელია მისი ყველა ნიუანსის ცოდნა.
სავარჯიშო "კატა"
ამ სავარჯიშოს უდავო უპირატესობაა კომპლექსური ზემოქმედება ორგანიზმზე. იგი არამხოლოდ გაშორებთ ტკივილსა და დისკომფორტს ზურგის არეში, რომელიც სქოლიოზითა და ცხოვრების მჯდომარე წესითაა გამოწვეული, არამედ ხელს უწყობს სასუნთქი ორგანოების ფუნქციონირებასაც. სწორედ ამიტომ, მისი შესრულება რეკომენდებულია მათთვისაც, ვისაც ხშირად აწუხებს ბრონქიტი და იმუნიტეტის გაძლიერება სურს.
რეკომენდებულია სავარჯიშოების შესრულება ზურგისა და მუცლის კუნთების გასაძლიერებლად ყოველდღე, აუცილებელია მისი შეთავსება სხვა ფიზიკურ სავარჯიშოებთანაც. ვარჯიშის დრო არ ასრულებს პრინციპულ როლს, თუმცა მაინც, სასურველი არაა მისი შესრულება საკვების მიღებისთანავე. იდეალში საკვების მიღებასა და ვარჯიშს შორის 2 საათი უნდა გავიდეს.
შესრულების ტექნიკა
- დაიკავეთ საწყისი მდგომარეობა: დადექით ხალიჩაზე ოთხზე, მჭიდროდ დაეყრდენით ხელის გულებით იატაკს. ხელები სწორად უნდა გააჩეროთ, ფეხები კი მოხაროთ სწორი კუთხით.
- ღრმად ამოისუნთქეთ და მოამრგვალეთ ზურგი, მენჯები შეწიეთ შიგნით, ამასთან, მაქსიმალურად დაუშვით თავი დაბლა. პრესის კუნთები დაჭიმული უნდა იყოს, ზურგი, პირიქით, მოდუნებული, რათა შეძლოთ გაწელვა.
- ჩასუნთქვისას დაუბრუნდით საწყის მდგომარეობას.
- ისევ ღრმად ამოისუნთქეთ და ჩაზნიქეთ ზურგი, წამოწიეთ თავი და მენჯები ზემოთ. ამ მდგომარეობაში პრესი მოდუნებულია, ზურგის კუნთები კი დაჭიმული.
- ჩასუნთქვისას დაბრუნდით საწყის მდგომარეობაში.
