ღორის ლორი უნიკალური პროდუქტია. მას ამწნილებენ, ბოლავენ, ხარშავენ, მიირთმევენ უმად ან პურთან ერთად, თუმცა, როგორც აღმოჩნდა, მისი გამოცხობაც შეგვიძლია. ახალი, კანიანი ლორისგან შეგვიძლია ნამდვილი სასოფლო დელიკატესი მოვამზადოთ, უფრო სწორად კი არომატული რულეტი ღუმელში. მსგავსი კერძი გაამრავალფეროვნებს მენიუს და, ამასთან, სადღესასწაულო ელფერიც აქვს.



რჩევების რედაქცია მოგიყვებათ, თუ როგორ უნდა მოამზადოთ ეს გემრიელი კერძი ლორისგან. მთავარია, შეარჩიოთ ლორის ნაჭრები 2 სმ სისქისა, რომელსაც მარტივად სძვრება კანი.
ინგრედიენტები

• 1 კგ ახალი ლორი
  
• 4-5 კბილი ნიორი
  
• მარილი გემოვნებით
  
• ბეგქონდარა, ქინძი, წითელი და შავი წიწაკა, ოხრახუშისა და დაფნის ფოთლები გემოვნებით
  

მომზადება

1. მოაშორეთ ლორს კანი. შეაზილეთ სანელებლები, ნიორი და მარილი ორივე მხრიდან. მარილს ბევრს ნუ გამოიყენებთ.
   
   
   
2. შეახვიეთ ლორი რულეტად. გაახვიეთ ღორის კანში, მჭიდროდ შეახვიეთ ძაფით.
   
   
   
3. დადგით ტულეტი საცხობ ფორმაზე და შედგით 180 გრადუსიან ღუმელზე 1.5 საათით.
   
   
   
4. გამომცხვარი რულეტი დადგით ბადეზე გასაგრილებლად, რათა ჭარბი ცხიმი ჩაიწუროს. ამის შემდეგ შედგით მაცივარში 1 საათით.
   
5. მზადაა! დაჭერით და დადგით სუფრაზე.
   
   

გემრიელად მიირთვით!