კომბოსტოს შნიცელი ისეთივე გემრიელია, როგორიც კლასიკური ვერსია. ამ კერძის მომზადება მარტივად და სწრაფად შეიძლება...

ინგრედიენტები: 4 ულუფა:

• კომბოსტო - 8 ფურცელი
  
• ლორი - 8 ნაჭერი
  
• კვერცხი - 2 ცალი
  
• ყველი - 8 ნაჭერი
  
• დაფხვნილი ორცხობილა - 100 გრ
  
• პამიდორი - 4 ცალი
  
• ზეთი - 100 გრ
  
• ნიორი - 2 კბილი
  
• დაფქული შავი პილპილი
  
• მარილი
  

მომზადების წესი:

1. კომბოსტოს ფურცლები გათუთქეთ მარილწყალში. ლორის ნაჭრები შეწვით. კვერცხს შეურიეთ 2 ს/კ. წყალი და ათქვიფეთ.
   
   
2. კომბოსტოს ფურცლებს მოაცილეთ უხეში ადგილები. თითოეულ ფურცელზე მოათავსეთ ლორი და ყველი, მოაყარეთ პილპილი და კონვერტისებურად გადაახვიეთ.
   
   
3. შნიცელი ამოავლეთ ფქვილში, შემდეგ ათქვეფილ კვერცხსა და დაფქვნილ ორცხობილაში და შეწვით. პამიდორი დაჭერით სქელ რგოლებად.
   
   
4. ტაფაზე გააცხელეთ ზეთი, დაუმატეთ დანაყილი ნიორი და შეწვით პამიდორი. გადაიტანეთ თეფშზე, მოასხით ტაფაში დარჩენილი წვენი, დაუმატეთ მარილი, პილპილი და მოაყარეთ დაჭრილი მწვანილი. გვერდით დაუდეთ შნიცელი. შეგიძლიათ, გააფორმოთ მწვანილით.