ქოქოსის კონდიციონერი თმას არბილებს და მსუბუქს ხდის. ქოქოსი ხშირად გამოიყენება თმის მოვლის საშუალებაში. მისი ზეთი არბილებს თმას და ამშვიდებს თავის კანს. მსგავსი მკვებავი ეფექტი აქვს მის რძესაც. კვერცხის გული დიდი ხანია, გამოიყენება თმის გასაჯანსაღებლად. მას შეუძლია გაამაგროს და დაატენიანოს თმა.

ერთი გამოყენებისთვის საჭიროა:

ინგრედიენტები:

• 1 კვერცხის გული
  
• 1 ჩ/კ ქოქოსის ზეთი (მყარი ფორმის)
  
• 3 ს/კ ქოქოსის რძე
  
  მომზადების წესი:
  
  1. ხელის სათქვეფით ან ხელის ბლენდერით ათქვიფეთ კვერცხის გული და ქოქოსის ზეთი ერთად, სანამ არ აქაფდება.
     
  2. დაუმატეთ ქოქოსის რძე და ურიეთ ერთგვაროვანი მასის მიღებამდე.
     
  3. ჩაასხით ელასტიკურ ბოთლში, რომ მარტივად გამოიყენოთ. შეინახეთ გრილ, მშრალ ადგილას. ინახება 6 კვირამდე.
     
  
  გამოყენების წესი:
  წაისვით თმაზე და შეიზილეთ თავის კანში. დაიტოვეთ 2-5 წუთი და შემდეგ გრილი წყალი გადაივლეთ. გაიშრეთ და დაივარცხნეთ თმა ჩვეულებრივად.
  
  დაიმასაჟეთ თავის კანი
  
• ჩაიტარეთ მარტივი პროცედურა - შეიზილეთ კონდიციონერი თმაში და გამოაცოცხლეთ თავის კანი, გაიჯანსაღეთ და გაიმაგრეთ თმა.
  
• ნაზად დაიმასაჟეთ მთელი თავი ცერებითა და სხვა თითის ბალიშებით ისე, თითქოს შამპუნს ისვამდით.
  
• ხელში მოიქციეთ მთელი ბღუჯა თმა და ნაზად მოქაჩეთ.
  
• საფეთქლებზე მიიჭირეთ ხელისგულები და წრიულად დაატრიალეთ.
  
• იპოვეთ კეფის ძვალი (ძვალი, რომელსაც შეიგრძნობთ თავის უკანა ნაწილში, კისერთან). დაიდეთ მარცხენა ცერა თითი მარცხენა არეში და მარჯვენა ცერა თითი -მარჯვენა არეში. დაიზილეთ ეს ადგილები კარგად, სანამ კუნთები არ მოეშვება.
  

კვერცხის გული

საკვები ნივთიერებებით მდიდარი კვერცხი შეიცავს ცილას, ვიტამინებს და მინერალებს. ის არაჩვეულებრივია აკნესა და მშრალი, აქერცლილი კანის სამკურნალოდ.