ეს იაფი, ეფექტური რეცეპტი ასუფთავებს, ახალისებს და არბილებს თმას. თავიდან, როცა მის გამოყენებას დაიწყებთ, სანამ დაბანის პროცესის ცვლილებას შეეჩვევა, გეგონებათ, თავის კანი გამაცალაო, მაგრამ ეს დროებითი ეფექტია და ღირს გულდასმით გააგრძელოთ პასტის მოხმარება. ადვილად მიუსადაგებთ ამ პასტას თქვენი თმის ტიპს ეთერზეთების დამატებით, რომლებიც სურნელოვანსა და მიმზიდველს გახდიან მას.

85 გრამის დასამზადებლად საჭიროა

ინგრედიენტები:

• 2 ს/კ საჭმელი სოდა
  
• 2 ს/კ წყალი
  
• 2 წვეთი თქვენ მიერ შერჩეული ეთერზეთი
  

ნორმალური თმისთვის - 2 წვეთი ილანგ ილანგის ეთერზეთი
მშრალი თმისთვის - 2 წვეთი ვარდის ეთერზეთი
ცხიმიანი თმისთვის - 1 წვეთი როზმარინის ეთერზეთი+ 1 წვეთი კედრის ეთერზეთი

მომზადების წესი:
პასტის გასაკეთებლად თასში ერთმანეთს შეურიეთ სოდა და წყალი. დაამატეთ წყალი თუ სქელი გამოგივათ, ან სოდა - თუ თხელი გამოგივათ.
დაამატეთ თქვენ მიერ არჩეული ეთერზეთი და კარგად აურიეთ.
ჩაასხით სტერილურ ელასტიკურ ბოთლში. შეინახეთ გრილ, ბნელ ადგილას. ვარგისია ერთ კვირამდე.

გამოყენების წესი:
გამოყენებამდე კარგად შეანჯღრიეთ. საჭირო რაოდენობა დამოკიდებულია თქვენი თმის სიგრძეზე. დაიდეთ საკმარისად, რომ დაფაროს მშრალი ან სველი თმა, შეიზილეთ თავის კანში და ჩამოდით თმის ბოლოებამდე. დაიტოვეთ 2-4 წუთი და გადაივლეთ თბილი წყალი. გაიმშრალეთ და დაივარცხნეთ.