თავისი სიცოცხლე მან მიუძღვნა თავისი სისტემის შემუშავებასა და სრულყოფას. მასში მოგროვილია ძველბერძნული და ძველეგვიპტური მედიცინები, ტიბეტური და ჩინური პრაქტიკები, იოფა და სხვა უამრავი წყარო. ნიშის ჯანმრთელობის სისტემა გაცილებით შორს წავიდა, ეს არამხოლოდ სავარჯიშოების ნაკრები და სწორი კვების დებულებებია, არამედ ნიშიმ მთელი ფილოსოფია შექმნა.
მე დიდი ხანია მიტაცებს იაპონური გამაჯანსაღებელი პრაქტიკა, თუმცა კაცუძო ნიშის ფილოსოფიამ მე სხვა ყველაზე უფრო შთამაგონა. დასაქწყისისთვის, აუცილებლად ღირს იმ სავარჯიშოების კომპლექსის გამოცდა, რომელიც იაპონელმა ჯანმრთელობის აღსადგენად და ორგანიზმის განსაკურნებლად შეიმუშავა.
ეს სავარჯიშოები მარტივია შესასრულებლად, ისინი სხეულს ამხნევებს და აძლევს ენერგიას, ასევე, გეხმარებათ ჭარბი ცხიმების მოშორებასა და ლამაზი ფიგურის შექმნაში. გარდა ამისა, ისინი აძლიერებს სახსრებს და ხელს უშლის მარილების დალექვას. სცადეთ თქვენც - დღეში 15 წუთი არაფერს დაგაკლებთ.
სავარჯიშოების კომპლექსი ქალბატონებისთვის
სავარჯიშოებისთვის უნდა შეარჩიოთ ისეთი დრო, როცა არსად გეჩქარებათ. მთავარია, არ შეასრულოთ სავარჯიშოები გვიან ღამით, თორემ ძილის რეჟიმს დაირღვევთ. უმჯობესია სავარჯიშოების შესრულება დილით ადრე, რათა დაიმუხტოთ დადებითი ენერგიით. კიდევ ერთი - სავარჯიშომ სიამოვნება უნდა მოგანიჭოთ.
ჩაიცვით ფართო ტანსაცმელი, რომელიც ხელს არ შეგიშლით. ხელ-პირი ცივი წყლით დაიბანეთ, გაიღიმეთ და შეუდექით პირველ სავარჯიშოს.
- დაწექით ზურგზე და მაქსიმალურად მოდუნდით. ისუნთქეთ ღრმად და თანაბრად, წარმოიდგინეთ თავი მშვიდ და ლამაზ ადგილას. ხელები გადადეთ გვერდებზე. შეაერთეთ ფეხები და მოხარეთ მუხლებში. მუხლები წამოწიეთ მკერდისკენ. ჩაისუნთქეთ ღრმად და გადადეთ მუხლები მარჯვნივ. ეცადეთ, იატაკზე დადოთ. თავი მარცხნივ მოაბრუნეთ და ნელა ამოისუნთქეთ.
ლოყით იატაკს უნდა ეხებოდეთ, ხელები და მხრები კი უმოძრაოდ უნდა დატოვოთ. დაუბრუნდით საწყის მდგომარეობას, ღრმად ჩაისუნთქეთ და გაიმეორეთ მეორე მხარეს. შეასრულეთ ეს სავარჯიშო პირველ ჯერზე 4-5ჯერ, თანდათან აიყვანეთ 25-მდე.
- დაწექით ზურგზე, ხელები სხეულის გასწვრივ მოათავსეთ, ხელის გულებით ქვემოთ. ფეხები მოხარეთ მუხლებში და გაშალეთ მხრების სიგანემდე, დაეყრდენით ტერფებს. ღრმად ჩაისუნთქეთ და შეწიეთ მუცლის კუნთები. თეძოები, ზურგთან ერთად, წამოწიეთ მაღლა, დაეყრდენით მხოლოდ ხელის გულებსა და ცერებს. ამოისუნთქეთ და ნელა დაეშვით საწყის მდგომარეობამდე. მოდუნდით და კიდევ ერთი მისვლა გააკეთეთ. სავარჯიშო გაიმეორეთ ხუთჯერ.
- დაწექით მუცელზე და ერთი ლოყით დაეყრდენით იატაკს. ხელეი წელის გასწვრივ, ხელისგულებით ქვემოთ. ფეხები 15 სმ-ს დაშორებაზე ერთმანეთისგან. ახლა დაჭიმეთ თეძოს კუნთები, გაწელეთ ცერები და წამოწიეთ ერთი ფეხი. მეორე დატოვეთ იატაკზე უმოძრაოდ. წამოწიეთ საპირისპირო მხარის ხელი და გაჩერდით ამ მდგომარეობაში რამდენიმე წამით, ნელა დაუშვით კიდურები იატაკზე და გაიმეორეთ 50-ჯერ თითოეულ მხარეს.
- იმავე მდგომარეობაში მოხარეთ ხელები იდაყვებში, თავი და მხრები წამოწიეთ. ხელის გულები მოათავსეთ იატაკზე, მხრების სიგანეზე. წამოწიეთ ორივე ფეხი 15 სმ-თი იატაკიდან და გაჩერდით ამ მდგომარეობაში რამდენიმე წამით. შეასრულეთ მოძრაობები ფეხებით ზემოთ-ქვემოთ, თითქოს ცურავთ. თითო ფეხით შეასრულეთ 25-50 მოქნევა.
- დადექით ოთხზე, ხელები და ფეხები მხრების სიგანეზე. გაასწორეთ მარჯვენა ფეხი და წამოწიეთ იატაკის პარალელურად. შეასრულეთ 25 მოქნევა ზემოთ-ქვემოთ. შემდეგ დაუბრუნდით საწყის მდგომარეობას და გაიმეორეთ მეორე ფეხით.
- იმავე მდგომარეობაში დაუშვით თავი დაბლა, მენჯი წამოწიეთ. მარჯვენა მუხლი ისე წამოწიეთ, რომ შეეხოთ შუბლს. შემდეგ გააწორეთ ფეხი, აწიეთ უკან ზემოთ და ამასთან წამოწიეთ თავიც. გაიმეორეთ სავარჯიშო ათჯერ, ორივე ფეხზე.
- დადექით მუხლებზე, კორპუსი დაიჭირეთ ვერტიკალურად, ხელები მხრების გასწვრივ. სწორი ზურგის შენარჩუნებით, გადაიხარეთ უკან და გაჩერდით ამ მდგომარეობაში რამდენიმე წამით. შეასრულეთ სავარჯიშო ხუთჯერ.
