თუ რამდენიმე კვირაში ფორმაში დაბრუნების ბუნებრივ საშუალებას ეძებთ, ესე იგი სწორ სტატიას კითხულობთ! ჭარბი სანტიმეტრების მოშორება და ენერგიის მოზღვავება ზედმეტი ძალისხმევის გარეშე სავსებით რეალურია, რაც ბოდიფლექსის დამსახურებაა. ეს სუნთქვითი ტანვარჯიშის კომპლექსი ტყუილად არ სარგებლობს მსგავსი პოპულარობით მთელი მსოფლიოს მასშტაბით: სუნთქვის განსაკუთრებული მეთოდიკა ორგანიზმს ამდიდრებს ჟანგბადით, ფიზიკური სავარჯიშოები კი პრობლემურ ზონებს ტვირთავს.

ჯამში, ბოდიფლექსი ნებისმიერი სქესის, ასაკისა და ფიზიკური მზადყოფნის დონის ადამიანისთვისაა სასარგებლო. თუმცა, მას დაჟინებით ვურჩევთ სწორედ ქალბატონებს, თანაც მათ, ვისი სხეულიც ასაკობრივ ცვლილებებს დაექვემდებარა.



ბოდიფლექსის გაკვეთილები რჩევების რედაქციისგან ყველა ქალმა უნდა ისწავლოს, რომელმაც 40 წლის ზღურბლს გადააბიჯა. რატომ? იმიტომ, რომ ეს მარტივი და სწრაფი სავარჯიშოები დაგეხმარებათ ახალგაზრდობის შენარჩუნებაში, ფიგურის გაუმჯობესებასა და სულის გამოფხიზლებაში.

ბოდიფლექსი გასახდომად
სავარჯიშოები 15 წუთს წაგართმევთ. მათი შესრულებისას არ გჭირდებათ სპეციალური აქსესუარები ან გარემო. ჩვენ მოვამზადეთ 6 სავარჯიშო საშინაო ვარჯიშისთის, თუმცა, სანამ მათ შესრულებას შევუდგებოდეთ, თქვენ უნდა გაითავისოთ სუნთქვის სპეციალური ტექნიკა, რომელზეც ბოდიფლექსის სავარჯიშოთა სისტემაა დაფუძნებული.

აერობული სუნთქვა

1. ნელა ამოისუნთქეთ პირით. ეცადეთ, ფილტვები ჰაერისგან მთლიანად გაათავისუფლოთ.
   
2. მომუწეთ პირი და ხმაურით, სწრაფად შეისუნქეთ ცხვირით. ფილტვები მაქსიმალურად გაავსეთ ჰაერით.
   
3. წამოწიეთ თავი და ინტენსიურად, ღრმად ამოისუნთქეთ პირით. ამასთან, სწორი სუნთქვის მანიშნებელი იქნება სტვენითი ხმა.
   
4. მომუწეთ პირი, შეიკავეთ სუნთქვა და შეწიეთ მუცელი. სწორედ ამ მომენტში სრულდება სავარჯიშოები ბოდიფლექსის სისტემით.
   
5. აითვალეთ 10მდე, მოადუნეთ მუცლის კუნთები და ჩაისუნთქეთ.
   

1. ალმასი
   ჩამოწელილი კანი და ჭარბი ცხიმოვანი ფენები მხრების შიდა მხარეს - ერთ-ერთი ყველაზე პრობლემური ზონაა შუახნის ქალბატონის სხეულზე. სავარჯიშო ალმასი შესანიშნავად ამუშავებს ხელების კუნთებს, წევს ჩამოწელილ კანს, ეს ყველაფერი კი მიმართული ჟანგბადის ნაკადის წყალობით, რომელიც ჭარბ ცხიმებს წვავს.
   
   დადექით სწორად, ფეხები მხრების სიგანეზე, ხელის თითები თქვენ წინ გააერთიანეთ ისე, რომ ხელის გულები ერთმანეთს არ ეხებოდეს.
   
   
   იდაყვები მაღლა უნდა მოათავსოთ, თორემ მთელი ზეწოლა ხელის კუნთებზე კი არა, მკერდზე გადავა. ოდნავ დაამრგვალეთ ზურგი, შეისუნთქეთ, შეიკავეთ სუნთქვა, შეწიეთ მუცელი და შეუდექით შესრულებას. ხელები დაძაბულია, თითები ერთმანეთს ეჭიდება.
   დაიწყეთ თითებით ერთმანეთის ზეწოლა მაქსიმალურად ძლიერად. უნდა იგრძნოთ კუნთოვანი დაძაბულობა, რომელიც მაჯიდან მკერდამდე მოძრაობს. "იძალადეთ" 8 წამის მანძილზე, შემდეგ ამოისუნთქეთ, მოდუნდით და დაბრუნდით საწყის პოზაში. გაიმეორეთ სამჯერ.
   
   
   
2. მშვილდის პოზა
   აღნიშნული პოზა ავითარებს მუცლის, ზურგის კუნთებს, გაშორებთ ზედმეტ სმ-ებს ბარძაყებსა და წელზე.
   დაწექით იატაკზე, ფეხები შეაერთეთ, ხელები ტორისს გასწვრივ, ხელის გულები იატაკზე, ნიკაპი - ეყრდნობა იატაკს. ამოისუნთქეთ, ხმაურიანად ჩაისუნთქეთ, ფეხები მოხარეთ მუხლებში და ჩაეჭიდეთ ხელებით კოჭებს. ამოისუნთქეთ ხმაურიანად და შეიკავეთ სუნთქვა. დაიწყეთ ფეხების გაშლა მუხლებში, ამავდროულად წამოწიეთ თავი და მკერდი.
   მოიხარეთ წელში, თავი გადაწიეთ, თეძოები მოაშორეთ იატაკს. დაითვალეთ რვამდე (შეგიძლიათ იქანავოთ), მოდუნდით და დაბრუნდით საწყის მდგომარეობაში. გაიმეორეთ სამჯერ.
   
   
3. კრენდელი
   ეს სავარჯიშო განსხვავდება სხვებისგან იმით, რომ შეუძლია რამდენიმე პრობლემის ერთბაშად მოგვარება: იგი მოკკლე დროში უმკლავდება ჭარბ ცხიმებს არამხოლოდ თეძოებზე, არამედ წელზეც.
   დაჯექით იატაკზე, მოხარეთ ფეხები მუხლებში და გადააჯვარედინეთ ისე, რომ მარცხენა მუხლი მარჯვენას ზემოდან აღმოჩნდეს.
   
   
   ქვედა ფეხი სწორად გააჩერეთ, მარცხენა ხელით დაეყრდენით ზურგსუკანა იატაკს, მარჯვენა დაიდეთ მარცხენა მუხლზე. ჩაისუნთქეთ, შეწიეთ მუცელი, შეიკავეთ სუნთქვა და შეუდექით ძირითადი პოზის შესრულებას.
   
   მარცხენა მუხლი ამოწიეთ მარჯვენა ხელით თქვენკენ, მკერდისკენ მაქსიმალურად ახლოს, იყურეთ უკან. გაჩერდით ამ მდგომარეობაში 8 წამით, ამოისუნთქეთ და დაუბრუნდით საწყის მდგომარეობას. სწორი შესრულების შემთხვევაში შეიგრძნობთ თეძოებისა და წელის კუნთების დაძაბულობას. დაუბრუნდით საწყის მდგომარეობას და გაიმეორეთ სამჯერ ორივე მხარეს.
   
   
   
4. ნავი
   ჭარბი ცხიმოვანი ფენების მოშორება წელის არეში და მუცლის პრესის კუნთების დამუშავება "ნავის" შესრულებითაც შესაძლებელია.
   
   
   დაწექით ზურგზე, ხელები იატაკზე, ფეხები ერთად, ტერფები ერთმანეთს აწვება. ჩაისუნთქეთ, ამოისუნთქეთ, ხმაურიანად ჩაისუნთქეთ, ასევე ამოისუნთქეთ და შეიკავეთ სუნთქვა. ამავდროულად, წამოწიეთ ორივე ფეხი იატაკიდან 30-40 სმ-ით. ასეთივე სიმაღლეზე წამოწიეთ თავი, დაეყრდენით მხოლოდ თეძოებსა და წელს, დაითვალეთ რვამდე, დაუშვით სხეული იატაკზე და გაიმეორეთ სამჯერ.
   
   
   
5. მაკრატელი
   ასეთი სავარჯიშო აძლიერებს მუცლის კუნთებს და ქალებში ერთ-ერთ ყველაზე პრობლემურ ზონას - ჭიპქვეშა მონაკვეთს. მაკრატლის შესრულების დროს ირთვება ცხიმებბის წვის პროცესი, კუნთები ძლიერდება, ნორმალიზდება სისხლძარღვთა სისტემის ფუნქციონირება და უმჯობესდება ადამიანის მდგომარეობა.
   
   
   საწყისი მდგომარეობა - დაწექით იატაკზე, ფეხები გაშალეთ, მუცლები სწორად დაალაგეთ.
   ხელები დაიდეთ თეძოებქვეშ, ხელის გულებით იატაკზე. შეიკავეთ სუნთქვა და წამოწიეთ სწორი ფეხები იატაკიდან 10-15 სმ-ით. გააჩერეთ ფეხები ამ მდგომარეობაში და დაიწყეთ მათი გადაჯვარედინება. დაითვალეთ ათამდე და გაიმეორეთ სამჯერ.
   
   
   
6. მუცლის პრესის გაძლიერება
   ასეთი სავარჯიშო არამხოლოდ მუცლის პრესებს აძლიერებს, არამედ აბრტყელებს მუცელს, აუმჯობესებს გულისა და სისხლძარღვების ფუნქციონირებას, დადებითად მოქმედებს საჭმლის მომნელებელ ორგანოებზე, ებრძვის მეტეორიზმს, ბოყინს, ალაგებს მცირე მენჯის ორგანოების მუშაობასაც. საწყისი მდგომარეობა - ზურგზე დაწოლა, მოხრილი მუხლები, ტერფები - გვერდიგვერდ იატაკზე. რამდენჯერმე ჩაისუნთქეთ და ამოისუნთქეთ დიაფრაგმით, ჩასუნთქვისას შეიკავეთ სუნთქვა და დაიწყეთ სავარჯიშოს შესრულება.
   
   
   წამოწიეთ ხელები მაღლა, "მიწვდით" ჭერს, იდაყვები გაასწორეთ, მხრები მოაშორეთ იატაკს, თავი გეჭიროთ სწორად. არ მიიტანოთ ნიკაპი მკერდთან! ეცადეთ, მხრები მაქსიმალურად მაღლა წაიღოთ. შემდეგ დაეშვით იატაკზე: ჯერ ზურგის ქვედა ნაწილი, შემდეგ მხრები, სულ ბოლოს კი თავი.
   
   შეეხეთ იატაკს?. ისევ აიწიეთ მაღლა, ამ მდგომარეობაში 8 წამით გაჩერდით და გაიმეორეთ კიდევ სამჯერ.