ასაკთან ერთად, ორგანიზმში შეუქცევადი ცვლილებები ხდება, რაც დაბერების პროცესთანაა დაკავშირებული: უარესდება გულ-სიხლძარღვთა სისტემის ფუნქციონირება, ძვლები უფრო მყიფე ხდება, მცირდება კუნთოვანი მასა. ეს ყველაფერი იწვევს ფიზიკური აქტივობის შემცირებასა და ორგანიზმის მდგომარეობის გაუარესებას. განსაკუთრებით თუ მანამდე ადამიანი არასდროს ვარჯიშობდა.
აქედანვე იწყება პერიოდი, როცა უნდა დაეხმაროთ საკუთარ სხეულს და შეანელოთ სიბერე. ამისთვის შესანიშნავი საშუალება პილატესია. რატომ მაინცდამაინც იგი? იმიტომ, რომ ასეთი ვარჯიში კარგად წელავს კუნთებსა და მყესებს, აუმჯობესებს კოორდინაციას და სხეულს უნარჩუნებს ფორმას. ამასთან, ისინი არ მოითხოვს დიდ ძალისხმევას, სრულდება ნელ ტემპში.
რჩევების რედაქცია გთავაზობთ სავარჯიშოების კომპლექსს შუა ხნის ასაკის მამაკაცებისა და ქალბატონებისთვის, რომელიც დაგეხმარებათ სხეულის ფორმის შენარჩუნებასა და დაბერების პროცესის შენელებაში.
საშინაო პილატესი
როგორც ნებისმიერი ვარჯიშის დროს, პილატესიც აუცილებლად რეგულარული უნდა იყოს. სავარჯიშოები უნდა შესრულდეს ყოველდღე ან კვირაში სამჯერ მაინც. მათი შესრულებისას არ უნდა გაჩნდეს დისკომფორტი, ტკივილი ან თავბრუსხვევა, ამიტომ ივარჯიშეთ ნელა და სწორად.
ვარჯიშის შემდეგ იგრძნობთ სიმსუბუქესა და ენერგიის მოზღვავებას. რეგულარული სავარჯიშოები აუმჯობესებს ორგანიზმის მდგომარეობას, არეგულირებს გულისა და სუნთქვით ცხოველქმედებას, აღადგენს სახსრების მოძრაობას და აუმჯობესებს განწყობას! მაშ ასე, ვიწყებთ.
5 საუკეთესო სავარჯიშო
- სავარჯიშო #1
მარტივი სავარჯიშო, რომლითაც უნდა დაიწყოთ. დაწექით ზურგზე, მოხარეთ მუხლები. ახლა ნელ-ნელა წაიღეთ მუხლები მუცლისკენ, გაჩერდით ამ მდგომარეობაში რამდენიმე წამით და დაეშვით ნელა. ყურადღება მიაქციეთ სუნთქვასა და ტემპს. არ იჩქაროთ, შეასრულეთ სავარჯიშო ნელა, კონცენტრირდით კუნთების დაჭიმულობაზე, გაიმეორეთ 10-15ჯერ.
- სავარჯიშო #2
შესანიშნავი სავარჯიშო, რომელიც აძლიერებს მუცლის კუნთებს და შესანიშნავად ავარჯიშებს ხერხემალს. საწყისი მდგომარეობაა იატაკზე ზურგით წოლა, ხელები უკან უნდა იყოს გაჭიმული.
შეისუნთქეთ ღრმად, ამოსუნთქვისას დაჭიმეთ პრესი და დაიწყეთ კორპუსის მოხრა წინ და ზემოთ, დაიწყეთ კისრით. ნელა წამოწიეთ ზურგი, მალები.. გაწელეთ ხელები და კორპუსი წინ, მოხარეთ ზურგი. ისევ ღრმა ჩასუნთქვა. ახლა ასევე ნელა დაუბრუნდით საწყის მდგომარეობას. ნელა დაწექით იატაკზე, შეიგრძენით თითოეული მალა.
საწყის მდგომარეობაში მთლიანად გაწელეთ ხერხემალი. გაიმეორეთ სავარჯიშო 3-5ჯერ. შესრულების დროს არ შეიკავოთ სუნთქვა, ყველა მოძრაობა შეასრულეთ ნელა და ტალღოვნად, ეცადეთ, არ დაძაბოთ კისერი.
- სავარჯიშო #3
ეს სავარჯიშო აძლიერებს მუცლის, ხელებისა და ხელების კუნთებს, ასევე, აუმჯობესებს მოძრაობის კოორდინაციას. საწყისი პოზიციისთვის დაწექით, მოხარეთ ფეხები, ხელები. ღრმად შეისუნთქეთ, ამოსუნთქვისას მოხარეთ ფეხები და მიიტანეთ მკერდთან, გაჩერდით ამ მდგომარეობაში. ჩასუნთქვისას მოაშორეთ ფეხებს ელები და ორივე ფეხი გაშალეთ წინ. ფეხები უნდა გაასწოროთ, თუ არ გამოგდით, დასაწყისში შეგიძლიათ მათი მოხრა.
გაიმეორეთ სავარჯიშო 6-8ჯერ. არ დაგავიწყდეთ სწორად სუნთქვაც, ეცადეთ, გაწელოთ ხერხემალი, თუმცა ყოველგვარი მყისიერი მოძრაობების გარეშე.
- სავარჯიშო #4
ისევ გავწელოთ ხერხემალი. საწყისი მდგომარეობაა ჯდომა ფეხების გადაჯვარედინებით(შეიხის პოზა), ხელები - მუხლებზე. ნელა გადაიხარეთ ჯერ ერთ მხარეს, წამოწიეთ ხელი თავს ზემოთ. გაჩერდით საბოლოო წერტილში რამდენიმე წამით და დაუბრუნდით საწყის პოზიციას.
გაიმეორეთ 10-15ჯერ ორივე მხარეს. აუცილებელი არაა ძლიერად გადახრა. ივარჯიშეთ ისე, რომ არ გაგიჩნდეთ დისკომფორტი ხერხემალზე.
- სავარჯიშო #5
სავარჯიშო, რომელიც მოუხდება მათ, ვინც დიდხანს ზის და ზურგის პრობლემები აწუხებს. დადექით, ხელები - მხრების სიგანეზე. ხელები გაწიეთ წინ, ფეხები ოდნავ მოხარეთ. გაჩერდით ბოლო წერტილში რამდენიმე წამით და დაუბრუნდით საწყის მდგომარეობას. ზურგი უნდა გქონდეთ სწორად, ხელები კი ყურების დონემდე უნდა მიიტანოთ. შეგიძლიათ, მიეყრდნოთ სკამს ან კედელს.
გაიმეორეთ 10-15ჯერ.
