» » » მოცვის ფოთლების ნახარში და ნაყენი აფერხებს მარილების ჩალაგებას და ეფექტურია პოდაგრის დროს.

მოცვის ფოთლების ნახარში და ნაყენი აფერხებს მარილების ჩალაგებას და ეფექტურია პოდაგრის დროს.

ნისკრისის ქარი (პოდაგრა) საკმაოდ გავრცელებული დაავადებაა. მოსახლეობის 10-14% ეს დაავადება აწუხებს. უმეტესად ავადმყოფობენ მამაკაცები. ქალებს ის, ჩვეულებრივ, კლიმაქსის პერიოდში ემართებათ.
პოდაგრა ქრონიკული დაავადებაა, რომელიც პურინული ცვლის დარღვევის შედეგად ვითარდება. მისთვის დამახასიათებელია შარდმჟავა მარილების - ურატების დაგროვება ქსოვილებში, ძვლებში, ხრტილებში, მყესებში და შინაგან ორგანოებში. ურატები ორგანიზმში პურინების დაშლის შედეგად წარმოიშვება.

ხალხური რეცეპტებით მკურნალობა:
  • სახსრებიდან მარილების გამოყვანა - მკურნალობის სრული კურსისთვის საჭიროა 1 კგ არყის და ვერხვის ქერქი და 100 გრ მუხის ქერქი. ნარევი კარგად დავაქუცმაცოთ და შევურიოთ ერთმანეთს. 1 ს/კ ნარევს დავასხათ 1 ჭიქა მდუღარე წყალი და ვადუღოთ ნელ ცეცხლზე 10 წთ, შემდეგ გადავწუროთ. მივიღოთ 1/3 ს/კ 3-ჯერ დღეში. მკურნალობის დასაწყისში ტკივილი მატულობს, მაგრამ თანდათანობით გაივლის და ზოგადი მდგომარეობაც უმჯობესდება.

  • ჭინჭრის ფოთლებისგან მომზადებული ბოლოტოვის ბურახი-ჭინჭრის ფოთლებს მაისში ან ივლისში აგროვებენ და ჩრდილში აშრობენ და შემდეგ ჯვალოს ტომარაში ინახავენ (შეიძლება 2 წელი შევინახოთ). 1 ჭიქა ჭინჭრის ფოთოლს დავასხათ 3 ლ წყალი, დავუმატოთ 1 ჭიქა შაქრის ფხვნილი, 1 ს/კ ნატურალური არაჟანი. ეს ყველაფერი მოვათავსოთ ტომსიკაში და გავაჩეროთ 2 კვირა ბნელ ადგილას. ამის შემდეგ გადმოვასხათ 1 ლ ბურახი და დავლიოთ 1/2 ჭიქა დილით უზმოზე.

  • მოცვის ფოთლების, გვირილის ყვავილის, ცაცხვის ყვავილის ან ჟოლოს ფოთლები ავიღოთ თანაბარი რაოდენობით და დავასხათ მდუღარე წყალი, დავაყენოთ 15-20 წთ. მივიღოთ დღეში 800 მლ-მდე.

  • 1 ჩ/კ მოცვის ფოთოლს დავასხათ 0,3 ლ მდუღარე წყალი და შეფუთული დავაყენოთ 1 სთ. შემდეგ გავწუროთ. მივიღოთ 1/2 ჭიქა 3-4-ჯერ დღეში ჭამამდე.

  • 1 ს/კ მოცვის ფოთოლს დავასხათ 1 ჭიქა მდუღარე წყალი, დავაყენოთ 30 წთ, გავწუროთ. მივიღოთ 1 ს/კ ჭამის წინ 3-4-ჯერ დღეში.

  • მოცვის ფოთლების ნახარში და ნაყენი აფერხებს მარილების ჩალაგებას და ეფექტურია პოდაგრის დროს. 2 ჩ/კ მოცვის ფოთლებს დავასხათ 1 ჭიქა მდუღარე წყალი, ვადუღოთ 15 წთ, შემდეგ გავაციოთ და გავწუროთ. დავლიოთ დღის განმავლობაში მცირეოდენი ყლუპებით. შეიძლება მივიღოთ წლების განმავლობაში (ყოველ 3 თვეში 1-2 კვირიანი შესვენებით). ფოთლების შეგროვება აყვავებამდე უნდა მოხდეს და შემდეგ კარგად გამოშრეს.

მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს:

ინფორმაცია
თქვენ შემოხვედით როგორც სტუმარი ამიტომ არ გაქვთ კომენტარის დაწერის უფლება.კომენტარის წერის უფლების მოსაპოვებლად საკმარისა გაიაროთ რეგისტრაცია. თუ რეგისტრაცია უკვე გავლილი გაქვთ მაშინ გაიარეთ ავტორიაცია.