პოდაგრა ქრონიკული დაავადებაა, რომელიც პურინული ცვლის დარღვევის შედეგად ვითარდება. მისთვის დამახასიათებელია შარდმჟავა მარილების - ურატების დაგროვება ქსოვილებში, ძვლებში, ხრტილებში, მყესებში და შინაგან ორგანოებში. ურატები ორგანიზმში პურინების დაშლის შედეგად წარმოიშობა.
არჩევენ პოდაგრის ორ ტიპს: პირველადი და მეორადი. პირველადი პოდაგრა ვითარდება პურინული ცვლის მემკვიდრული დარღვევის შედეგად, მეორადი ვითარდება სისხლის, თირკმლების, ენდოკრინული და გულ-სისხლძარღვთა სისტემის დაავადების დროს, აგრეთვე ზოგიერთი პრეპარატების (ასპირინი, ნიკოტინის მჟავის, ჯგუფის ვიტამინები) მიღებისას. დაავადება მთელ რიგ გართულებებს იწვევს. ყველაზე ხშირია გართულებები თირკმელების მხრივ - ვითარდება შარდ-კენჭოვანი და ნაღველ-კენჭოვანი დაავადება, პიელონეფრიტი, ნეფროსკლეროზი. თირკმლების დაავადების შედეგია თირკმლის უკარისობა, რომელიც ყოველი მეხუთე ავადმყოფის სიკვდილის მიზეზია.

პოდაგრის მკურნალობა ხალხური საშუალებებით:

• შევაგროვოთ ზაფხულში თეთრი აკაციის ყვავილები, მოვათავსოთ ბოთლში, დავასხათ ნავთი. დავაყენოთ ბნელ გრილ ადგილას 7 დღე. წავისვათ მტკივნეულ სახსრებზე.
  
  
• ავიღოთ 5 აბი ასპირინი, 5 აბი ანალგინი, 25 მლ 5 %-იანი იოდი, 1 ჭიქა "ტრაინოი ოდეკოლონი". კომპონენტები დავფშვნათ, შევურიოთ იოდს და ოდეკოლონს. წავისვათ მტკივნეულ ადგილებზე.
  
  
• კონიოს ბალახი და ნაყოფი მოვათავსოთ ქილაში, დავასხათ სპირტი და მჭიდროდ დავუცოთ თავი. ხმარების წინ წილა შევანჯღრიოთ და ჩავყოთ შიგ ცხელ წყალში გახურებული ხელი 1,5-2 სთ-ით. ხსნარი დამწვრობას არ იწვევს.
  
  
• 100 გრ მდოგვის თესლებს და 100 გრ სუფრის მარილს დავუმატოთ გაწმენდილი ნავთი არაჟანისმაგვარი მასის მიღებამდე. შევიზილოთ მტკივნეულ სახსრებში.
  
  
• მზიურას და კულმუხოს ძირები ჩავყაროთ მდუღარე წყალში, ოდნავ გავაგრილოთ და ჩავყაროთ ფეხები - ხელს უწყობს პოდაგრის გაწოვას.
  
  
• ანგელოზას ძირების ნაყენი: ანგელოზას გამომშრალ ძირებს დავასხათ წყალი 1:10 - თან შეფარდებით. შევიზილოთ მტკივნეულ სახსრებში.
  
  
• წვრილი სახსრების შეშუპებისას კარგია ტერფზე სამედიცინო ნაღველის (აფთიაქში იყიდება) კომპრესის გაკეთება ძილის წინ.
  
  
• გამობურცულ ძვლებზე კარგია იოდის ნაყენის წასმა, ღამით კი სამედიცინო ნაღველის კომპრესის გაკეთება.
  
  
• შევურიოთ ერთმანეთს იოდის ნაყენი და ლიმონის წვენი (1:1) და ბადესავით წავისვათ მტკივნეულ ადგილებზე, ხოლო ღამით ძვლოვან "კოპზე" დავიდოთ ცოტაოდენი დინდგელი და შევიხვიოთ. პროცედურა ყოველდღე გავიკეთოთ, სანამ წანაზარდები არ გაიწოვება.
  
  
• 100 მლ იოდის 5 %-იანი ნაყენი, ნიშადურის სპირტი, გლიცერინი, თაფლი და სამედიცინო ნაღველი შევურიოთ ერთმანეთს და დავაყენოთ 24 სთ. წავისვათ მტკივნეულ ადგილებზე და გავიკეთოთ კომპრესი (ღამით).